پبلشر پاران
ٻيو رنگ سندس ادبي آھي. ادبي کيتر ۾ ھيل تائين سندس 17 ڪتاب ڇپجي چڪا آھن. 18 ھون ڪتاب “ڪيئن وساريان ويڙھيچن” آھي، ھن ڪتاب ۾ جيئن ته وينا جون يادگيريون آھن. اھي يادگيريون سنڌ ڌرتيءَ سان وابسته آھن انھي ڪري ھن ڪتاب ۾ لکڻ جي انداز ۾ سندس زبان جنھن مان سنڌ ڌرتي جي محبت ليئا پائي رھي آھي. ھن ڪتاب ۾ سنڌ جي مٽيءَ جي مھڪ اچي رھي آھي. نج ڳوٺاڻو سٻاجھو انداز ھن ڪتاب جي سونھن آھي وينا ڪھاڻيون، سفرنامه به لکيا آھن مطلب ته وينا ھر موضوع تي لکيو آھي. انگريزي ۾ به ٻه ڪتاب لکيا آھن ته سنڌي سان گڏوگڏ ھندي ۾ به لکيو آھي. بلڪه ھن منھنجي سنڌي ڪھاڻين کي به ھندي ۾ لکي ترجمو ڪيو آھي.
ادبي ڪمن سان گڏوگڏ ھن ھند ڀينرن کي ھڪ پليٽ فارم تي گڏ ڪرڻ لاءِ مارئي سنٿان (قوم) ڀينرن لاءِ قائم ڪيو آھي. پاڻ انھي پارٽي ۾ بطور جنرل سيڪريٽري ڪم ڪري رھي آھي. انھي فورم ۾ ادبي ڪم سان گڏ سماجي ڀلائي لاءِ ڏينھن رات جاکوڙ ڪري رھي آھي.
مارئي طرفان ھر سال ڪانفرنس به ڪندي رھي آھي. انھيءَ ڪانفرنس ۾ سنڌ جي اديبن جي وفد کي دعوت ڏئي شرڪت ڪرائيندي آھي. اھڙي ريت ادبي سماجي ڪمن ۾ ڏينھن رات مصروف رھندي آھي.
اسان کي فخر آھي ته اسان اھڙي جاکوڙي ڀيڻ جو ڪتاب شايع ڪري رھيا آھيون، انھيءَ ۾ ساري جيوت، عورت جي پاڪيزه ۽ بي باڪ جذبن ۽ گڏيل وڏن ڪٽنبن جي جھلڪ پر جامع ۽ جيون کي خوشگوار ھڪ تازي ھوا جي جھوٽي وانگر محسوس ٿيندي. وينا شرنگي ! سان آل انڊيا جي پروگرام انائونسر ۽ ڪمپيئر طور واقف ھيس. پر جڏھن 1985 ۾ دھلي ۾ ڪاڪا چيلائي منھنجي آجياڻي لاءِ ھڪ وڏي پيماني تي پروگرام ڪيو انھي پروگرام ۾ دھلي جا سڀئي ليکڪ شريڪ ٿيا. انھي آجيان ۾ وينا سان روبرو ملاقات ٿي ھن وڏي چاھ سان مونکي ۽ نسرين نوري کي گلن جا ھار پارايا ھئا ۽ ٻي ڏينھن ڪاڪا چيلائي جي گهر ملاقات ڪرڻ آئي. گفٽ طور مون کي ڪتاب ڏنائين ڪيتري دير اسان ڳالھيون ڪندا رھياسين ۽ ٻي ملاقات پاڪستان ۾ 1989 ۾ ڪراچي سنڌ گريجوئيٽس ايوسيئيشن پاران بين الاقوامي سچل ڪانفرنس آڪٽوبر 1989ع ۾ ڪوٺائي وئي ھئي ان ڪانفرنس ۾ پھريون ڀيرو سنڌي اديبن جو وفد ھندستان کان سنڌ ۾ شرڪت ڪرڻ آيو ھو. انھي وفد ۾ وينا به شامل ھئي. ڪانفرنس ۾ مشاعرو ٿيو. مشاعري ۾ وينا شاعري پڙھي تڏھن اندازو ٿيو ته وينا سٺي شاعره به آھي. مارئي سنٿان تازو آڪٽوبر 2007 ۾ ڪنور ڀڳت ڪانفرنس ڪوٺائي ھئي اسان کي به دعوت ڏئي گهرايو ھو. اسان محترم ڊاڪٽر سليمان شيخ جي سربراھي ۾ ”سگا“ ناري جي وفد طرفان شرڪت ڪئي. حيدرآباد مان مھرالنساءَ لاڙڪ ، نجمه شيخ، ناھيد ھنڱورجو گڏجي وياسين. وينا ۽ شائي ۽ ٻين اديبن ايئرپورٽ تي شاندار استقبال ڪيو، اسين جيترا ڏينھن رھياسين اسان جي ميزبان وينا شرنگي ھئي. سنڌ کان آيل سڀني مھمانن جي چڱي ريت مھمان نوازي ڪئي وئي اسان وسارڻ چاھيون ته وساري نٿا سگھون ڀاءُ راجو شاني ۽ وينا جي آڌرڀاءُ ۽ سار سنڀال، خيال رکڻ سنڌ مان آيل مھمانن جي اھڙي ريت پرگھور لھڻ تي اسان کي احساس ٿيو ته پڻ اسين پنھنجن ۾ آھيون ڇا چاھ ڇا محبت ڇا سچائي، بس انھي سڀني کي قلم سان لکي مفيد ڪرڻ جي سگھه مون ۾ ناھي. ھڪ نازڪ ناري ايڏي سگھاري سڀني کي گڏ ڪري محبت ۽ سڪ جي محفل مچائي سگھي ٿي . پنھنجي مارئي طرفان ھيل تائين سنڌ مان ڪنھن به ناري اھڙو ميڙو مچائي نه سگھي آھي . وينا کي جس آھي جيڪا اھڙي ڪوشش ڪري پنھنجي ماروئڙن کي پنھنجي اڱڻ گهرائي پنھنجي پيار جي جوت ٻاري روشني وکيري سگھي ٿي. منھنجي دعا آھي وينا لکندي رھي ۽ سنڌين جا ميلا مچائيندي رھي. (آمين)
ناري پاران وينا جو ڪتاب سنڌ واسين لاءِ ھڪ تحفو آھي. اميد ته پسند ايندو. تاج جويو پھريان پروف ۽ سيڪنڊ پروف وشال امير چيڪ ڪيا آھن. انھن جي محنت سان ھي ڪتاب اوھان جي ھٿن تائين پھتو آھي. مھرباني
توھان جي
[b]نذير ناز
[/b]29 11 2008