آزاد انور ڪانڌڙو
محترم سائين، مير حاجن مير
اميد ته خيريت سان هوندا.
استاد بخاري نه صرف سنڌ جو ناميارو عوامي ۽ قومي شاعر هو، پر هو خوبصورت نثر نگار به هو. هن وقت تائين سندس شاعري تي ڪافي ڪم ٿيو آهي، پر سندس نثر جي حوالي سان ڪو به ڪم ناهي ٿيو.
گذارش ته مون استاد بخاري جي نثر ۾ تحريرن، ڪتابن جي مهاڳن، مضمونن، مقالن، انٽرويوز، تقريرن، تاثراتن، خطن کي سهيڙڻ جو ڪم شروع ڪيو آهي، اوهان سنڌي ٻولي جا ناميارا اديب، شاعر آهيو، اوهان وٽ استاد بخاري جي ڪا به تحرير، ڪتاب جو مهاڳ، مضمون، مقالو، انٽرويو، تقرير، تاثرات، خط يا ٻي ڪا لکڻي موجود هجي ته مهرباني ڪري ان جي فوٽو اسٽيٽ ڪاپي ڏياري موڪليندا ته توهان جا وڏا احسان ٿيندا.
اميد اٿم ته منهنجي گذارش کي مانائتي موٽ ڏيندا.
خلوص مان اوهان جو پنهنجو
آزاد انور ڪانڌڙو
ميهڙ، دادو