بهادر ٽالپر ڇتو مادراڻي
پيارا مير حاجن مير صاحب!
اميد ته اوهان خوش هوندؤ! اوهان طرفان موڪليل سيوهڻ سماچار ۽ نوازش نامو مون کي راجپوتانه اسپتال حيدرآباد ۾ پنهنجي ڀائٽي آڻي پهچايا. منهنجو ٻيو نمبر وڏو ڀاءُ حاجي عطا محمد ٽالپر اتي داخل هو. جيڪو اُن ئي اسپتال ۾ 5 جولاءِ 2006ع تي وڇوڙي جا ورلاپ ڏئي ويو.
مٿين سبب ڪري اوهان کي پهچ نه ڏئي سگهيس اوهان ”سيوهڻ سماچار“ لاءِ شاعري جي فرمائش ڪئي آهي. ڪجهه نه ڪجهه عنقريب موڪلڻ جي ڪوشش ڪندس. ڪڏهن قسمت ٿي ته سيوهڻ به اچي نڪربو. اوهان کي 23 اپريل 2006ع واري سنگت سنڌ جي اجلاس (حيدرآباد) ۾ مون ڏٺو هو البت هڪ ٻئي سان ملاقات نه ڪري سگهياسين.
سائين فتح الله صديقي اسان واري پاسي ڪافي عرصو نوڪري ڪري ويو آهي. ساڻس خط و ڪتابت ٿيندي رهندي آهي. البت ويجهڙائي ۾ هن صاحب به ياد نه فرمايو آهي. مون فون ڪري کانئس ڪائنات جي پهچ بابت دريافت ڪيو هو.
وڌيڪ سک/ مخلص
بهادر ٽالپر
ڇتو مادراڻي