سنڌ سلامت پاران
”حميد سنڌيءَ جي ڪھاڻين کي ڪيترائي ڀيرا پڙهيو اٿم، اسان وٽ سنڌيءَ ۾ اهڙيون ڪھاڻيون ٿوريون لکيون ويون آهن. هن جي قلم جي قوت آهي ۽ قلم اڃان سوڌو مستقبل جي آئيني ۾ سوراخ ڪري ڪاغذ ٿي هلي رهيو اٿس. سنڌ جي معاشري ۽ فرسودہ روايتن ۽ مسئلن تي ايڏي اونھائيءَ سان لکي ٿو. هر ڪو لکي ٿو پيار، پيار، پيار ۽ اسان وٽ پيار جو ايڏو ڪو مسئلو نہ آهي. اسان وٽ اهڙي کوکلي نفس پرستيءَ جي پيار جي ضرورت ناهي. ان پيار جي ضرورت آهي، جنهن ۾ انگ اگهاڙن ۽ پيٽ بکين جو احساس هجي، انھن لاءِ روڄ هجي، ماتم هجي. اسان وٽ اهو پيار هجي، جنھن ۾ ڏتڙيل ڌرتيءَ جي گونگن ٻوڙن لاءِ زبان هجي، ڪن هجن ۽ جدوجھد هجي، جنھن ۾ قرباني ئي قرباني هجي. حميد جي لکڻين ۾ اهي سڀ سنيھا آهن . آءُ سمجهان ٿي تہ هن جي ڪھاڻين جي مايوسي مايوسي نہ آهي، پر مسئلن سان منهن ڏيڻ، ذميوارين سان پيار، مايوسين، کي هٽائڻ، زندھ رهڻ ۽ ٻين کي جيارڻ لاءِ سوچن جا سلسلا اڻ کٽ ڊهندڙ ٺھندڙ فيصلا سڀني ڪھاڻين جي ڪردارن کي شخصيت کي مضبوط بنائڻ لاءِ سرگردان آهن. ويريون جون سڀ ڪھاڻيون سنڌي ادب ۾ ڪھاڻي جي اوسر ۾ وڏي حيثيت والارين ٿيون.
ھن ڪتاب جو پھريون ڇاپو 1981ع ۾ جڏھن تہ ٽيون ڇاپو 1995ع ۾ زندگي پبليڪيشن، حيدرآباد پاران ڇپايو ويو.
اوھان جو پنھنجو
[b]محمد سليمان وساڻ
[/b]مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com