اکڙين جي عظمت جو سارو ، خوا بن مان اندازو ٿئي ٿو
دل جي وسعت ۽ حيثيت جو ، دردن مان اندازو ٿئي ٿو
*****
ڪالهه اٿيو طوفان هو ڪيڏو ، زور هوائن ڪيڏو لاتو
ڪيڏي تيزي ساڻ ڪريا وڻ ، پن پن مان اندازو ٿئي ٿو
*****
هارياڻي کي سا مهون ڏسندي ، ڏند ڪڍي ، ڏاڍيان ڳا لهائي
رئيس وڏي جي ، غيرت جو سڀ ، ٽهڪن مان اندازو ٿئي ٿو
*****
دنيا ڪيڏا دان ڏنا ۽ نان جي عيوض ، جان وڪاڻي
پنڻي جي مُٺ ۾ ڦاٿل ڪجهه ، پئسن مان اندازو ٿئي ٿو
*****
دل جون ڳالهيون دل ۾رک ، چپ چورڻ جي تڪليف نه ڪر تون
مونکي تنهنجي مُک تي وکريل ، مرڪن مان اندازو ٿئي ٿو
*****
سالن کان پوءِ جيئن ملياسين ، لڙڪن کي روڪي نه سگھياسين
اڻ جهل احساسن جو دل جي ، دڙڪن مان اندازو ٿئي ٿو
*****
جهُوراکين مان جھاتيون پاتيون، جيون جي هر تلخ تجر بي
”سيال حيات“ صديون ڪيئن ڪاٽيون،نيڻن مان اندازو ٿئي ٿو