تون به شيشي ڀور وانگيان ، مان به هان سارو ٽٽل ،ڇا حال هڪٻئي کان پڇون
تنهنجون اوجاڳيل اکيون ۽ نيڻ منهنجا ڀي ڀنل ، ڇا حال هڪٻئي کان پڇون
*****
سي برابر ڏينهن هئا ، محبت جا وسندا مينهن هئا ، هاڻي ته برسن ٿيون اکيون
ڳل اڃا تنهنجا به آلا ، منهنجو دامن ڀي پسيل ، ڇا حال هڪٻئي کان پڇون
*****
ڏينهن راتيون ڏيهه جي ڏک درد سان وڙهندي ويون ، تنهنجون به ۽ منهنجون به من
مان به چڪنا چور آهيان ، تون به آن ڏاڍو ٿڪل ، ڇا حال هڪٻئي کان پڇون
*****
آءُ ته ٻاري باهڙي ، سُجھندو ڪري ، سوچيون ٻئي، ڪئين پير ظالم جا پٽيون
راهه ساڳي تي ٻنهي جا ، قافلا آهن لُٽيل ، ڇا حال هڪٻئي کان پڇون
*****
پيار جي هئي ڇانو ، هيڻي هانو تي ، هاڻي مگر ، آ ڌر تتي ٽامي مثل ،
باهه تو وٽ ڀي ٻريل ، ۽ دوڌ مون وٽ ڀي دُکيل ، ڇا حال هڪٻئي کان پڇون
*****
سار جو آ بار ، تنهنجي ڀي مٿان ، مون جيترو ، سو ”سيال“ پورو ٿم پتو،
خواب مونکان ڀي کسيل ، ۽ تو کان ڀي سپنا رُٺل ، ڇا حال هڪٻئي کان پڇون