مارئي ملير جي
اتراڌي چيو، ”جي اسان جي پاسي عمر ماروي وارو واقعو ٿئي ها، ته ٻنهي ڄڻن کي ڪارو ڪاري قرار ڏئي قتل ڪيو وڃي ها.“
لاڙي چيو، ”اسان وٽ عمر تي وڏو ڏنڊ لڳي ها. ڏنڊ ۾ بادشاهي هلي وڃيس ها ۽ مارئي به وڏي اگهه وڪامجي ها.‘‘
وچولي واري چيو، ”جي اسان وٽ اِهو واقعو ٿئي ها، ته عمر کي سنڌ مان لڏائي ڇڏجي ها ۽ مارئي ڪنهن پير جي ڪوٽ ۾ قابو ٿئي ها ۽ ڪڏهن به نه نڪري سگھي ها.‘‘
ڪوهستاني چيو، ”اسان وٽ جي اِهو قصو ٿئي ها، ته عمر تي سؤ سڱ چٽي رکجي ها ۽ مارئي کي ابتو ڪهي، پهاڙن تان اڇلائجي ها.“
ٿري وراڻيو، ”ڀائي، تڏهن ته مارئي توهان وٽ نه ڄائي، جو توهان جي افعالن جي ازل کان خبر هيس. “