سنڌ ميوزيم
”سنڌ ميوزيم“ جو سئر ڪرڻ.
سنڌي ثقافت جو هي ادارو،
ڪيڏو وڻندڙ ڪيڏو پيارو!
’ظفر ڪاظميءَ‘ جو آ جوڙيل،
جهنڊو ثقافت جو ڄڻ کوڙيل.
هيءُ تہ ڳوٺاڻو آ گهر،
ڪيڏو سھڻو سُندر منظر!
هوءَ آوي ڪنڀرّ جي آهي،
جيڪو ٿانوَ پيو ٿو ٺاهي.
ڀرت ۽ زيوَر جا تہ نمونا،
ڪيڏا سھڻا، ڪيڏا جُهونا!
ماضيءَ جون شھڪار نشانيون،
جن کي ڏسڻ لئہ گڏ ٿيا آهيون.
جنھن تي ناز ڪري جڳ سارو،
سو آ ديس اسان جو پيارو!
اچوتہ اهڙو عمل ڪريون ڪو،
ساراهي سنڌڙيءَ کي سڀڪو!