نيڪ نصيحت
حق جي هڪڙي واٽ ٻُڌايان.
جنھن سان جڏهين جتي ملو،
پيار محبت ساڻ کِلو!
ڪِينو، ڪُوڙ، ڪُدورت لوڌيو!
من ۾ صرف محبت پوکيو!
عِلم، هُنر سان پاڻ اُجاريو!
پنھنجو سارو ديس سنواريو!
سُورج جئن چمڪو هر ڪنھن تي،
بادل جئن بَرسو هر ڪنھن تي!
پاليو مَير نہ ڪنھن لئہ مَنَ ۾!
گهاٽو بَڙ ٿي اُڀرو بَنَ ۾!
ڪنھن کي گهٽ نہ ڄاڻو خود کان-
ساڳيو ڪِيو ورتاءُ سڀن سان!
نيڪ نصيحت تي جي هلندؤ،
مشڪل ڏينھن ڪڏهن بہ نہ ڏسندؤ!
يار ’وفا‘ جو ڏَسُ اِهو آ-
ڪاميابيءَ جو گَس اِهو آ!