سنڌي مرثيي جي اوسر
سنڌ ۾ مرثيا نويسي/ گوئي ڪڏهن شروع ٿي، اهو معاملو اڃا تحقيق طلب آهي سنڌي مرثيي بابت مرزا عباس علي لکي ٿو؛
”سنڌي مرثيي جي ابتدا تڏهن ٿي، جڏهن سنڌي شاعري وجود ۾ آئي. سنڌي مرثيي جي ابتدا به بيتن ۽ ڏوهيڙن سان ٿي. جنهن جو مثال شاه عبداللطيفؒ جو سر ڪيڏارو آهي، جنهن جي پڙهڻ سان درد ۽ غم جي ڪيفيت طاري ٿئي ٿي. . . . . ليڪن علم عروض جي حدن اندر عربي بحرن تي، جنهن مرثيي جي ابتدا ڪئي اهو سهرو سيد ثابت علي شاه جي سر تي ئي سنهي ٿو، سيد ثابت علي شاه پهنجي “زيارت نامي” ۾ هڪ هنڌ فرمائي ٿو؛
مرثيو سنڌي اڳي هو ڪونه اصلي سنڌ ۾،
جي ڪو هو تان پڻ نه هو مشهور هن پرڪجا.