روهڙي جي عزاداري
بلڪل انهي طرح جيئن فقير غلام حيدر جي خاندان جا فرد يا امام المسلمين وارو مرثيو پڙهندا آهن
سچل سائين جو ٻيو ”مرثيو هائي هائي سوز ٿيو سردار جو“ روهڙي ۾ پڙهيو ويندو آهي سچل سائين جو جو اهو مرثيو اختر درگاهي پنهنجي ڪتاب “سچل سائين ۽ درازي فيض ” ۾ شامل ڪيو آهي ان مرثيي بابت اختر درگاهي لکي ٿو ته ؛
روهڙي شهر ۾ پڙهيو ويندڙ سچل سائين جو مرثيو ٻارهن مصرعن تي مشتمل آهي ۽ اسان کي اها روايت به شروع کان ٻڌڻ ۾ پئي آئي ته انهيءَ مرثيي جا تمام گهڻا مصرع آهن، جيڪي گم ٿي ويا آهن.
جڏهن ته عام پڙهيو ويندڙ انهيءَ مرثيي جو ٿلهه وائيءَ ۽ ڪافيءَ جي ٿلهه وانگر ڏيڊ سٽو آهي، اهو مڪمل مرثيو سچل چيئر خيرپور مان دستياب ٿيو. ان قلمي نسخي ۾ 39 مصرعا شامل آهن
اختر درگاهي جو اهو ڪتاب سچل چيئر خيرپور پاران ڇپجي پڌرو ٿيو آهي.
روهڙي سکر جي عزاداري جي حوالي سان شاهه عبداللطيف ڀٽائيؒ جي زاري پڻ مشهور آهي جيڪا هي آهي:
اڄ پير مؤمنن جا مديني ڇڏ هليا
مدينو ڇڏي هليا سي مدينو لڏي هليا
سچ چنڊ مصطفى ڏي يڪدل گڏي هليا
هئي هئي انڌارو ٿئو ان ري تارا لڏي هليا
اڄ مير مومنن جا مدينو ڇڏي هليا
سکر ۽ حيدرآبادي لهجي جي فرق جي ڪري هر ڪو پنهنجي علائقي ۾ پنهنجي انداز سان هي زاري پڙهندا آهي.