شاعري

برساتن لئه ڪهڙا بارڊر

هي ڪتاب ”برساتن لاءِ ڪهڙا بارڊر“ خوبصورت شاعر پياري شيواڻي جي شاعريءَ جو ٽيون ڪتاب آهي. جنهن ۾سنڌي، ڍاٽڪي اردو ۽ ٻين ٻولين ۾ شاعري شامل آهي ۽ سندس فن ۽ فڪر تي ڏات ڌڻين جون لکڻيون پڻ شامل آهن،
ٿر جي اَدبِي، ثفافتِي ۽ سَماجِي ڪَئِنواس تي پِياري شِواڻي (يا شيواڻي) جي نانءُ وارو تجريدِي ڪَلا وسيلي خُوبِ نِکرندڙ رنگ ڪُجهه ڪثرت سان ئي اِستعمال ٿيندو رهيو آهي. پر پيارو مٺيءَ کي ڇڏي سرحد پار هند هليو ويو، پر بارڊر به سندس محبت ۾ ڪمي آڻي نه سگهيا.
Title Cover of book برساتن لئه ڪهڙا بارڊر

ڀڳل چوڙيون، سريل بستر، ٻُڌائن تــه گهڻو ڪجه ٿا،

ڀڳل چوڙيون، سريل بستر، ٻُڌائن تــه گهڻو ڪجه ٿا،
سڄو سمجهون، پيا پر هُو، لڪائن تــ گهڻو ڪجه ٿا.

اوهان تي ڀي جوانيءَ جو، هيو واسو ، وڏي ويرا،
اوهان تي جي مُئا ماڻهو، سُڻائن تــه گهڻو ڪجه ٿا.

رُڳو هيڪو دفعو ڀيڙا، هلياسين جو، مانئُونٽ آبُو،
تنهنجا ويجها، منهنجا ويجها، اُڏائن تــه گهڻو ڪجه ٿا.

وڏا ماڻهو ٿيڻ خاطر، وڏيرن جي چائُنٺن تي،
اڃان تائين ، اهي ماڻهو، پُڄائن تــه گهڻو ڪجه ٿا.

سـڄا ماڻهو، مري آخر، مٽيءَ هيٺيان، مٽي ٿيندا ،
پوءِ ڀي ڏس، پيارا هي، اَڏائن تــ گهڻو ڪجه ٿا