صادق فقير کي ڀيٽا
ڪير چوي ٿو ، تُنهنجي چُمي،
اڌ ۾ رهجي ويئي آهي ؟،
ڌرتيءَ کي سڀ تنهنجون چُميون ،
راحت پنهنجو راڳي بڻجي،
ڏينهن قيامت تائين ڏيندو،
۽ انهيءَ سان گڏجي بيهي،
سنڌ سموري سينڍون ڏيندي،
شاه ڀٽائي ، شيخ کي ڳائي،
شيام ، سان هم قدمي هوندي،
تُنهنجو سُر سلامت هوندو ،
جيسين سنڌَين جي سڏن ۾ ،
تُنهنجو هي نزاڪت هوندو ،
ڪير چوي ٿو ، تُنهنجي چُمي ،
اڌ ۾ رهجي ويئي آهي،
جهڙين ريتن ، مٺيءَ مان تو،
آلاپن کي اُڀ اُڏاريو،
جنوري ۾ جون جيان ٿي،
آوازن سان تو پِگهاريو،
تَهڙي ئي انداز نرالَي،
پلٽن کي پاتال پُڄائڻ،
جي آه سگه اِنهن ۾ آئي،
سنڌ سموري صدين تائين،
تولاءِ سڏ پڙاڏا هوندي،
جنهن جي سامهون سيس نمائي،
ڌرتيءَ تائين تُنهنجيون چُميون ،
اَٺئي پهر ، اُڪيران ڏِبيون،
ڪير چوي ٿو ، تُنهنجي چُمي،
اڌ ۾ رهجي ويئي آهي.
❖