ارپنا
ڪائنات جي انهن مسڪين ۽ مظلوم انسانن کي جيڪي رجعت پرستن هٿان ذات، پات، رنگ ۽ نسل جي مت ڀيد جو شڪار بڻايا ويا ۽ مذهبي انتهاپسندن جي هٿان چچري، چيري، ڦاڙي، ساڙي ماريا ويا، ارپيم بم ڌماڪن ۾ بي گناهه مارجي ويل پوپٽ جهڙن پيارن شهيد ٻارڙن ۽ شهيد معصوم ماڻهن کي، ارپيم ڇوت ڇات جو شڪار بڻيل ڌرتيءَ ڌڻين کي جيڪي برهمڻ سامراج هٿان پنهنجي ئي مٽي تي المناڪ تذليل جو شڪار بڻايا ويا، ارپيم “انسانيت” لاءِ سڄي دنيا ۾آواز بُلند ڪندڙ جاکوڙي ڪردارن کي جن کي ڏسي يقين ٿيندو آهي ته اڃان “انسانيت” زندهه آهي.
[b]ارپيم[/b]
سنڌ ڌرتيءَ ماتا جي گود مان ڪڍي ڪانگن، ڪتن ۽ ڳِجهن اڳيان اُڇلايل وطن جي حقيقي وارث دراوڙ ڀوري ڀيل کي