ٽِڪ ٽِڪ ٽِڪ گهڙيال
سڏي ٿو
ٽِڪ ٽِڪ ٽِڪ گهڙيال
آءُ ته هلئون گهڙيال سان گڏجي ٽِڪ ٽِڪ واري چال
هر ايندڙ پل مستقبل آ جنهنجي ڪل نه ڪا
هر حاضر پل ماضي آ هي حال جو ڪونهي حال
سڏي ٿو
ٽِڪ ٽِڪ ٽِڪ گهڙيال
هر ڪنهنکي سمجهايون ويٺا پاڻ نٿا سمجهون
بي مقصد بحثن ۾ پنهنجو گذري ويو هر سال
سڏي ٿو
ٽِڪ ٽِڪ ٽِڪ گهڙيال
زاهد سَچا ماڻهو جڳ ۾ جيءَ جيئارن ٿا
ڪوڙا ماڻهو پاڻ ئي آهن پنهنجي لئه جنجال
سڏي ٿو
ٽِڪ ٽِڪ ٽِڪ گهڙيال
آءُ ته هلئون گهڙيال سان گڏجي ٽِڪ ٽِڪ واري چال
*