ساري جڳ جي سُونهَن سَموري ڪَٺي ڪُل ڪيان
تڏهن ڪا تو کي ڀيٽا ڏيان
مُنهنجا سارا سَچا جذبا تولئه تڙپن ٿا
ڀاڳ ڀَريا ڪي لفظ چَپن جي ڀاڪُر ۾ آڻيا
تڏهن ڪا توکي ڀيٽا ڏيان
تُنهنجي سوچُن جي گهرائي ايڏي گهري آ
پاڻ وِساري تنهنجي مَنَ جي اندر ۾ گُم ٿيان
تڏهن ڪا توکي ڀيٽا ڏيان
هِڪڙي ٻي به حَياتي زاهد هر ڪو چاهي ٿو
ٻيو ڪو جنم وٺي موٽان شل مُنهنجا سائين مان
تڏهن ڪا توکي ڀيٽا ڏيان
تڏهن ڪا توکي ڀيٽا ڏيان
*