چاهت ۾ ڪي چنگَ چُمين جا چوري ويٺاسين
اسان سِرُ گهوري ويٺاسين
بُت بچي ويو خالي خالي رَتُ به ڪو نه رهيو
ساهُه جڏهن کان ساجن پاسي سوري ويٺاسين
اسان سِرُ گهوري ويٺاسين
سَنڌَ به پنهنجا هَنڌَ ڇڏي ويا جِندُ به ناهي جاءِ
بِرهه ۾ سِرَ جا سارا ڀاڱا ڀوري ويٺاسين
اسان سِرُ گهوري ويٺاسين
پنهنجا سارا وَسَ هلائي نيهن نڀايوسي
عشق اڻا گا پنڌ ڏنا ته به ڏوري ويٺاسين
اسان سِرُ گهوري ويٺاسين
ڪي ڪي ڳالهيون زاهد روح ۾ ٽاڪي رکجن ٿيون
راز کي راز رکڻ لئه جيءَ کي جهوري ويٺاسين
اسان سِرُ گهوري ويٺاسين
اسان سِرُ گهوري ويٺاسين
*