اڌڙوٽ ڪنواريءَ جو درد
ڪنهن ٻرندڙ جبل جيان آهي
هن جو ڀاءُ
جڏهن پنهنجي نئين ڪنوار سان
محبت جا پَلَ گهاري ٿو
سندس ڪمري مان اُيندڙ
چوڙين جي موسيقي
مٺڙن ٽهڪڙن جي گونج،
ٿَڌن ساهَن جا آواز
هُن کي بيچين ڪري ٿا ڇڏين
هوءَ 45 ورهين جي عمر ۾ به ڪنواري آهي
سياري جي مُند
هن لاءِ عذاب جهڙي آهي
۽ گرميءَ جي مند
هن لاءِ قيدخانو
بهارون هُن جي اکين کي
ڳوڙهن جو دانُ ڏيندو هِن
آهون ۽ سِسڪيون،
هن نيم پوڙهي ڪنواريءَ جو
مقدر بڻجي ويون آهن
سندس ڀاءُ
کيس ان لاءِ نه ٿو پرڻائي جو
سندس اربيلي زال
هڪ ”نوڪرياڻي“ کان محروم ٿي ويندي.