نه مِلڻ جي ڪا آرزو نه وڇوڙي جو غم–
عجيب طرحَ سان رشتو ڪري وئي آن ختم–
آ زندگيءَ ۾ خوشي روشني آ جيون ۾،
مَگر نه منهنجي قدم ساڻ رَهيو تنهنجو قدم–
وِساري ڇو نه ڇڏيان ها مان اِتفاق چئي،
هُجي ها جي کڻي تنهنجو پرين هِڪڙو ڪو سِتم–
نه جنهن ۾ دل نه ڪا ڌڙڪن نه ڪي احساسَ هُيا،
سو مُنهنجو ڪيئن ٿئي ها ڀَلا پٿر جو صنم–
وِڇوڙو ڪيئن نه ٿئي ها وُجود هڪ نه ٿيو،
نه تنهنجو مون لئه جنم هو نه منهنجو تو لئه جنم–
سَهي ٿو زخم جي زاهدُ بيچين تون به ته آن،
نه مون تي رَحم ڪيو تو نه پاڻ تي ڪو رحم–