اداري پاران
ڪھاڻيون واقعي سائنسي بہ آهن پر رڳو بيمارين ۽ مونجهارَن جو بيان ناهن، اُن ۾ ڪھاڻي برقرار رکڻ ۾ شبنم گُل ڪامياب وئي آهي. تجسُس ۽ حيرتُن جو سرچشمو بڻيل هي ڪھاڻيون اصلاحي هوندي بہ آرٽ آهن. اصلاح ۽ آرٽ کي گڏ گڏ کڻي هلڻ جو هنر ۽ نفسياتي پيچيدہ مسئلا سولا ڪري بيان ڪرڻ جي سگهہ وٽس ڪمال جي آهي.
ريکائون پبليڪيشن جو سڀاڳ آهي تہ اهڙو املھہ ڪتاب اسان جي سھڪار سان اوهان جي هٿن تائين پھتو آهي. جنھن ڳالھہ جي سرهائي مون لاءِ ذاتي طور تي هڪ وڏي حاصلات آهي. ڪاش اسان بہ يورپ وانگر سئو سيڪڙو پڙهيل لکيل سوسائٽيءَ جا فرد هجئون ها تہ هنن ڪھاڻين جو ڪارج وڌ کان وڌ ادا ٿي سگهي ها.
رحمت پيرزادو