آئون خواب ڏسي رهيو آهيان
زندگي محورِ رقص هُجي،
غم ۽ خوشيون پيرن هيٺان نه لتاڙجن،
امن جو سج ڪڏهن به نه لهي،
جتي
محبتون معذور نه ٿينديون هجن،
انسان هر وِکَ شعور جي رستي تي کڻندو هجي،
جتي
حياتيون ڇوريون ڇنيون نه ٿينديون هجن،
جتي
دماغ جو استعمال گناھ نه هجي
ها!
آئون اهڙي ديس جا خواب ڏسي رهيو آهيان،
اهڙي ديس جا خواب،
جنهن کي ڏسي،
فرشتا رڪجي وڃن
جتي
انسان، خدائي جنتن جي آسري،
سموري ڄمار لاءِ انڌو ٿيڻ نه قبوليندا هجن،
جتي آزادي جي اُجالن جي نور کي
ڪوبه مات نه ڏئي سگهندو هُجي،
ها!
آئون اهڙي ديس جا خواب ڏسي رهيو آهيان.