* ڊاڪٽر
[/b]مخدوم محمد صالح ڀٽي پنهنجي ڪتاب بعنوان فاروق اعظم جي لکڻ جو محرڪ هن صاحب جو وصال ڄاڻايو آهي. اهو ڪتاب 1952ع ۾ شايع ٿيو. ان ڪتاب ۾ هن صاحب جي تصوير به ڏني آهي. اندازو آهي ته هي صاحب ماضي جي تعليمي عملدار حاجي علي اڪبر ميمڻ جو وڏو ڀاءُ يا ويجهو عزيز هو، جنهن مذڪوره ڪتاب ۾ سندس وڇوڙي تي غزل لکيو ويو آهي. هن جو وڌيڪ احوال حاصل نه ٿي سگهيو آهي.
[b]ڊاڪٽر عبد السلام ميمڻ ۽ سندس پٽ:
[/b]مرحوم ڊاڪٽر عبدالسلام ميمڻ، ڪافي سالن تائين صحت کاتي ۾ انتظامي عهدن تي رهيو ۽ آخري وقت ۾ هو ڪراچي ۾ لڏي ويو. سندس ڀاءُ انجنيئر عبدالفتاح گورنمينيٽ ووڪشينل ٽريننگ سينٽر جي پرنسپل طور ريٽائر ڪيو آهي. ڊاڪٽر صاحب جو وڏو پٽ انجنيئر عبدالسميع صاحب اسٽيل ملز ۾ جنرل مئنيجر آهي. سندس ٻيو پٽ ڊاڪٽر عبدالستاراکين جو ماهر ڊاڪٽر آهي. سندس ٽيون پٽ عبدالصمد هاءِ ڪورٽ جو وڪيل آهي. ان کان علاوه سندس ٽي پٽ عبدالشڪور، عبدالغفار ۽ عبدالجبار سول انجنيئر آهن، ۽ روزگار سانگي سعودي عرب يا دبئي ۾ رهن ٿا. سندس ننڍو پٽ عبدالرحيم فشريز کاتي ۾ اسسٽنٽ ڊائريڪٽر آهي. هي سڀ اڄ ڪلهه ڪراچي ۾ رهن ٿا.
[b]ڊاڪٽر پروفيسر رفيق احمد ميمڻ:
[/b]هي صاحب جيڪو حيدرآباد جو مشهور ڊينٽسٽ هو، ۽ لياقت يونيورسٽي ۾ ڊينٽسري جو پروفيسر هو ۽ اتان پروفيسر آف ڊينٽل سرجري طور ريٽائر ٿيو، سو صاحب هالا پراڻا ڄائو آهي. ڊاڪٽر صاحب تازو وفات ڪري ويو آهي. هو ماستر محرم ميمڻ، جيڪو رناڻي محله جو رهواسي هو، جو فرزند هو. مخدوم نذير احمد ڀٽي سندس پڦاٽ ٿئي.
آئون سمجهان ٿو ته هن جي شروعاتي تعليم هالا پراڻا ۾ ٿي آهي، باقي پوءِ واري تعليم حيدرآباد ۾ ٿي، جتي هن جو والد لڏي ويو. سندس تدفين به حيدرآباد ۾ ڪئي ويئي. سندس خاندان ڪافي سالن کان حيدرآباد ۾ رهائش پذير آهي.
[b]ڊاڪٽر فاروق احمد ميمڻ:
[/b]هن صاحب به پهرئين فوج ۾ ڊاڪٽر هو. جتان رٽائر ٿيڻ بعد سنڌ حڪومت جي صحت کاتي ۾ مقرر ٿيو. اتان به هو تازو ريٽائر ٿيو آهي. ماضي ۾ هو هينڊس سان لاڳاپيل رهيو آهي ۽ هن وقت دارالعلوم اسلاميه جي دارالشفا جو انچارج آهي.
[b]ڊاڪٽر قاضي نعيم اختر صديقي: (ولادت 01 سيپٽمبر 1956ع)
[/b]هي صاحب قاضي محمد تقي اين صديقي جو فرزند آهي ۽ ڪجهه عرصو اڳ ريٽائر ٿيو آهي. آخري وقت ۾ سول اسپتال حيدرآباد جي اينجوگرافي شعبي جو سربراهه هو. ان کان اڳ به هو انهي ساڳئي اسپتال ۾ انتظامي عهدن تي ڪم ڪندو رهيو آهي.
هن صاحب سال 1996ع ۾ آسٽريليا جي گرفٿ يونيورسٽي مان ڪميونٽي ائنڊ پبلڪ هيلٿ ۾ ماسٽرس ڪئي آهي ۽ ان کان علاوه آمريڪا جي بارڪلي يونيورسٽي، سان فرانسسڪو مان هاسپيٽل ائڊمنسٽريشن ۾ ٽريننگ ورتي آهي. سندس پٽ به مختلف اهم نوڪرين ۾ آهن.
هي صاحب اڃان صغير هو ته سندس والد وفات ڪري ويو. ان کان پوءِ سندس پالنا سندس وڏي ڀاءُ امير اختر ڪئي.
[b]ڊاڪٽر نذير احمد ميمڻ:
[/b]هي صاحب جيتوڻيڪ ڄائو نپنو هالا نوان ۾ آهي، پر هن جي خاندان جو تعلق نه صرف هالا پراڻا سان آهي، پر پاڻ شادي به هالا پراڻا مان ئي ڪئي اٿائين. شروعات ۾ فوج ۾ ڊاڪٽر ٿي رهيو آهي. اتان ريٽائر ٿيڻ کان پوءِ پنهنجي ڪلينڪ هلائي ٿو.
[b]ڊاڪٽر قاضي لياقت علي قريشي:
[/b]هي صاحب ٻارن جو ماهر ڊاڪٽر ۽ سرڪاري نوڪري تان تازو ريٽائر ٿيو آهي.
[b]ڊاڪٽر رشيد احمد ميمڻ:
[/b]هالانوان ڄائي ڊاڪٽر رشيد احمد ميمڻ جي والدين جو تعلق هالا پراڻا سان آهي. هي بيحد بااخلاق ۽ رلڻو ملڻو شخص آهي. تازو سرڪاري نوڪري مان ريٽائر ٿيو آهي.
[b]ڊاڪٽر نور محمد ميمڻ:
[/b]هالا پراڻا جي ڪوري ميمڻ محلي سان تعلق رکندڙ هي صاحب تازو گذاري ويو آهي. هو ماهر سرجن هو.
هن جو ننڍو ڀاءُ نذير احمد، تعليم کاتي ۾ سبجيڪٽ اسپيشلسٽ آهي ۽ هن وقت حيدرآباد ۾ رهي ٿو.
[b]ڊاڪٽر امتياز احمد ميمڻ:
[/b]هالا پراڻا جي لالواڻي ميمڻ خاندان سان تعلق رکندڙ هي صاحب ڪارڊيالوجسٽ آهي. سندس مقرري ۽ رهائش هن وقت حيدرآباد ۾ آهي.
[b]ڊاڪٽر مفتون احمد ميمڻ:
[/b]ٻنڌاڻي ميمڻ جي پاڙي سان تعلق رکندڙ ڊاڪٽر مفتون احمد ميمڻ ڄائو توڙي پڙهيو هالا نوان ۾ آهي، پر سندس آڪهه جو تعلق هالا پراڻا سان رهيو آهي. ڊاڪٽر صاحب حڪيم محمد اشرف ڀٽي صاحب جو ڏوهٽو آهي ۽ سندس پيڊياٽرڪس ۾ ڊپلومه ٿيل آهي.
[b]ڊاڪٽر قاضي عرفان علي قريشي:
[/b]هي صاحب محترم قاضي محمد اعظم قريشي جو وڏو پٽ آهي ۽ هن وقت هالا پراڻا جي سرڪاري اسپتال ۾ مقرر آهي. ان کان علاوه هو پنهنجي والد صاحب جي سماجي سرگرمين وارين روايتن کي جيئاريندو اچي ۽ هن وقت هو هلال احمر اسڪول جي بورڊ آو گورنرس جو چيئرمين آهي.
[b]ڊاڪٽر رضا محمد صدر:
[/b]هي صاحب هالا پراڻا جو مقبول ترين ڊاڪٽر آهي. سندس گهرواري ادي عظيمه آخوند به ڊاڪٽرياڻي آهي. سندس وڏو پٽ انس رضا به ڊاڪٽري پڙهي رهيو آهي. ڊاڪٽر رضا صاحب سماج سڌار سرگرمين ۾ ڪافي سرگرم رهندو رهيو آهي. ماضي ۾ هلال احمر سب برانچ تنظيم جو مکيه رڪن رهيو آهي. ڪجهه عرصو اڳ انهي تنظيم پاران قائم هيلٿ ڪلينڪ ۾ خدمتون سرانجام ڏيندو رهيو آهي.
[b]ڊاڪٽر رفيق احمد سنائي: (ولادت 11 جنوري 1963ع)
[/b]ڊاڪٽر رفيق احمد هالا پراڻا ۾ ڄائو. هن صاحب ايم بي بي ايس لياقت ميڊيڪل ڪاليج ، ڄامشوري مان ڪئي ۽ سال ۾ ايف سي پي ايس ميڊيسن شعبي ۾ ڪئي آهي. ڪافي سالن کان هو نوابشاهه ميڊيڪل يونيورسٽي ۾ پروفيسر آو ميڊيسن طور ڪم ڪري رهيو آهي. تازو کيس ميڊيڪل فيڪلٽي جو ڊين به مقرر ڪيو ويو آهي.
هن صاحب عالمي ڪانفرنسن جي سلسلي ۾ ڪافي سارن ملڪن جو سفر ڪيو آهي.
[b]ڊاڪٽر قمرالدين ميمڻ ۽ ڀائر:
[/b]ڊاڪٽر قمرالدين ميمڻ هن وقت پوليس لائين هاسپيٽل ۾ سينئر ميڊيڪل آفيسر آهي. ڊاڪٽر قمر جي مهارت بيهوش ڪرڻ يعني Aneasthesia آهي. هن جو ڀاءُ شهاب الدين ميمڻ، اسسٽنٽ ڊائريڪٽر لوڪل گورنمينٽ حيدرآباد آهي، ۽ ٻيو ڀاءُ انجنيئر فيروز ميمڻ نئشنل هاءِ ويز اٿارٽي ۾ عملدار آهي.
ڊاڪٽر انور ميمڻ ۽ ڊاڪٽر اصغر ميمڻ:
ڏناڻي ميمڻ خاندان سان تعلق رکندڙ هي ٻئي ڀائر صحت کاتي ۾ ڊاڪٽر آهن. ڊاڪٽر انور جو هڪ پٽ فهيم ميمڻ جيل کاتي ۾ اسسٽنٽ سپرنٽينڊنٽ جيلز آهي. ٻيو پٽ ٻيلي کاتي ۾ آفيسر آهي.
[b]ڊاڪٽر قاضي محمد علي قريشي:
[/b]قاضي غلام محمد قريشي جي ٽين گهرواري مان پيدا ٿيل ڊاڪٽر قاضي محمد علي صاحب جي ميڊيڪل جي ائناٽامي شعبي ۾ اسپيلزائيزيشن ٿيل آهي، هن وقت هن جي مقرري گمبٽ ميڊيڪل انسٽيٽوٽ ۾ ٿيل آهي. ان کان اڳ پشاور جي ڪنهن خانگي ميڊيڪل ڪاليج ۾ اسسٽنٽ پروفيسر ڪم ڪري چڪو آهي.
[b]ڊاڪٽر بشير احمد ميمڻ:
[/b]هن صاحب جي وڏڙن جو تعلق به هالا پراڻا سان رهيو آهي. هن جو هڪ سوٽ فضل عرف شهاب ميمڻ اسٽيٽ لائيف ۾ سيلز مئينجر آهي.
[b]ڊاڪٽر بشير ڪامل ميمڻ:
[/b]هي هن وقت ته هالا نوان ۾ رهي ٿو ته پر هالا پراڻا ۾ پڙهيو ۽ نپنو آهي. هن جو والد ننڍپڻ ۾ گذاري ويو. پر ان هوندي به هن وڏي محنت ڪري ڊاڪٽري پڙهيو آهي. سندس ننڍو ڀاءُ نذير احمد ڪامل به ڪنهن کاتي ۾ اسسٽنٽ ڊائريڪٽر آهي، سو به هالا پراڻا مان لڏي ويو آهي.
[b]ڊاڪٽر عطاالله صدر: (ولادت 3 آگسٽ 1966ع)
[/b]ڊاڪٽر عطاالله صدر به هالا پراڻا جو مقبول ڊاڪٽر آهي. هي ثناءَ الله صدر جو وڏو ڀاءُ آهي. هن جو وڏو پٽ به ڊاڪٽري پڙهي رهيو آهي.
[b]ڊاڪٽر حاجي محمد شيخ:
[/b]ڊاڪٽر حاجي محمد شيخ، اسٽيٽ لائيف ڪارپوريشن ۾ ڊپٽي جنرل مئنيجر آهي. هن وقت هن صاحب جي پوسٽنگ اسلام آباد ۾ آهي.
[b]ڊاڪٽر زاهد احمد صدر:
[/b]هي صاحب هن وقت صحت کاتي ۾ ميڊيڪل آفيسر طور مقرر آهي. پر ان کان اڳ هو ڪافي وقت تائين غير سرڪاري تنظيمن سان گڏ رهيو ۽ پنهنجي تنظيم شيڊس جو سربراهه به رهيو.
هن جو ننڍو ڀاءُ خالد شفيع به ان تنظيم سان لاڳاپيل رهيو پر هن وقت هو صحت کاتي ۾ سينئر ميل نرس آهي. هن جو ٽيون ڀاءُ ساجد احمد به اين جي اوز ۾ سرگرم رهي ٿو.
[b]ڊاڪٽر عظيم آخوند:
[/b]هي صاحب آرٿوپيڊڪس شعبي جو ماهر آهي ۽ هن وقت نوابشاهه جي ميڊيڪل يونيورسٽي ۾ ان شعبي ۾ اسسٽنٽ پروفيسر آهي.
[b]فيمل ڊاڪٽرس:
[/b]عورت ميڊيڪل ڊاڪٽرن ۾ ادي عظيمان آخوند کان علاوه، ادي عطيه شيخ، جهانگير ميمڻ جي گهر واري، شاهجھان سنائي جي گهرواري، انجنيئر اّظهر قادر جي گهرواري ۽ عرفان مهدي جي هڪ ٻي مرحومه ڀيڻ شامل آهن. محترم صادق لاکي صاحب جو ٻه نياڻيون به فزيوٿراپسٽ ڊاڪٽر آهن. سائين محمد ايوب ميمڻ جي هڪ نياڻي به ڊاڪٽرياڻي آهي. ڊاڪٽر رفيق سنائي توڙي انجنيئر فتح محمد سنائي جو نياڻيون به ايم بي بي ايس ڪري رهيون آهن.ڊاڪٽر اصغر ميمڻ جون به نياڻيون ڊاڪٽري پڙهي رهيون آهن.