سائين ڄام ساقي جي وفات تي لکيل وائي
مهانگو ثمر هو.
پوءِ به وياسين گهاري.
پٺي ساري ڦٽڪا،
ڀريل هيءَ اندر هو.
پوءِ به وياسين گهاري.
ڌرتيءَ جو ڌڻي هوس،
پر ڪوبه نه گهر هو.
پوءِ به وياسين گهاري.
نه ڪئي ڪا ٻيائي،
دشمن سڄو تر هو.
پوءِ به وياسين گهاري.
ڪنگڻ جنهن جي ٻانهن ۾،
سوئي هئي نرُ هو.
پوءِ به وياسين گهاري.
لکيوسين رت سان،
ڊٿل سوئي اکر هو.
پوءِ به وياسين گهاري.
ساڳئي انقلاب،
واٺيو جهنگ جهر هو.
پوءِ به وياسين گهاري.
اسان جي رڙ ۾،
ڪيڏو ته اثر هو.
پر لوڪ ڇڏيو ماري،
پوءِ به وياسين گهاري.