ورهايل قوم
طبقا طبقا، فرقا فرقا
ڪافر مسلمان جو جهيڙو
شيعي سُني جو جهيڙو
ڪنهن چيو: “سنڌ ڇو کنڊر ٿيندي ٿي وڃي”.
چيم: “سنڌي اهي رهيا ئي ناهن.”
هاڻي هي قوم ناهي
بس فرقا هن.... ٽڪرا، ٽوٽا
باقي بچيا آهن
هاڻ نه وڙهندا سنڌ ۽ سنڌيت لئه گڏجي؟
سنڌي رهيا ناهن
سُني، وهابي، شيعا بچيا
ڪيڏو به ڳولهي ڏسو دوستو!
سنڌيت اوهان کي نظر ئي نه ايندي
ورهايل واٽون
ورهايل رستا
نظرين ۽ نفرن تي جهيڙو
ذات پرستي
مذهبي ڪٽرپڻو
پنهنجي پيرن پاڻ ئي هنيل ڪهاڙا
ڏنگيل سنڌ پنهنجن جي
يرغمال
وڏيرن، پيرن، ڀوتارن ، ملن ۽ ڌارين وٽ
هاءِ ڇا ٿيندو؟
ٿيندو به ڇا؟
اُف هيءَ ورهايل قوم !