ليکڪ طرفان پيغام / ارپنا
ليکڪ طرفان پيغام /ارپنا
مان ڏاڍو خوش آهيان ڇو جو منهنجو هي ڪتاب توهان جي هٿن ۾ آهي. منهنجي وڏي اُميد اِها ئي رهي آهي ته اها سهڻي نموني سان توهان جي مڪمل جذبن جي اظهار ۽ ڏاهپ جي خدمت ڪري ۽ توهان جي اندر ۾ تخليقيت، پيداواريت، خوشحالي ۽ دنيا جي خدمت کي سورمائي انداز سان تبدلي ڪري انقلاب جو ڪارڻ بڻجي.
فائيو اي ايم ڪلب جو بنياد هڪڙي اهڙي تصور ۽ طريقي تي رکيل آهي، جنهن مان اهو ظاهر ڪري ٿو ته مشهور ڪاروباري (Entreprenueurs) (انٽرپرينرس) وڏين ڪمپنين جيCEOs ، سپراسٽار رانديگرن، ميوزڪ جي دنيا جي وڏن ماڻهن کي ئي اها ڪاميابي نصيب ٿي.
مون هي ڪتاب اٽلي، ڏکڻ آفريڪا، ڪئنيڊا، سوئزلينڊ، رشيا، برازيل ۽ ماريشيس ۾ چئن سالن جي عرصي دوران لکيو. ڪڏهن ڪڏهن ته لفظ منهنجي ڪنهن به ڪوشش جي بغير ائين پيا وهن ڄڻ ته اونهاري جي ٿڌڙي هير منهنجي پٺي تي گهُلي رهي هجي ۽ ڪڏهن ڪڏهن ته وري، مان اڳتي وڌڻ لاءِ جدوجهد ڪرڻ جي ڪوشش ۾ رڌل رهيس. ڪڏهن ڪڏهن وري منهنجي دل چوي پئي ته سفيد رنگ جي تخليقي کوٽ واري جهنڊي کي ڦڙڪايان ۽ اهڙي قسم جي ٻين گهرن روحاني عملن جي مرحلن دوران مون اهو محسوس ڪيو ته مون وٽ هڪ اهڙي زميواري آهي، جيڪا منهنجي پنهنجي ضرورتن کان به وڌيڪ هجي ۽ ان عمل ئي مون کي هي ڪم جاري رکڻ تي همٿايو.
مون کي جيڪو ڪجهه هن ڪتاب ۾ توهان کي ڏيڻو هو، اهو مون لکت ۾ توهان جي حوالي ڪري توهان کي ڏنو آهي. دنيا کي وڌيڪ سورمن يا بهادر ماڻهن جي ضرروت آهي، پر توهان کي نه، ان ڪري توهان انهن جي اوسيئڙي ۾ ڇو رهو. جڏهن توهان جي اندر ۾ ئي بهادر ٿيڻ واري حس آهي ۽ جڏهن اها توهان کي ملي ويندي ته توهان به هيرو ٿي ويندو. پوءِ دير ڇا جي، اچو ته اڄ کان ان نيڪ عمل جي شروعات توهان کان ئي ڪيون.
پيار مان منجهان
روبن شرما