جيئڻ جو ڏس ڏيندڙ ڪتاب
”فائيو اي ايم ڪلب“ جڳ مشهور ليکڪ روبن شرما جو شاندار ڪتاب آهي. صحبت هي ڪتاب اهڙي وقت ترجمو ڪيو آهي جڏهن سڄي دنيا تي ڪورونا جا ڪارا ڪڪر پکڙيل آهن. لاڪ ڊاؤن جي وانڌڪائي دوران هن ”فائيو اي ايم ڪلب“ ڪتاب ترجمو ڪري سنڌي ٻولي جي خزاني ۾ واڌارو ڪيو آهي.
روبن شرما جو هي ڪتاب جيئڻ جو ڏس ڏي ٿو. هن ڪتاب ۾ ٻاروتڻ، جواني ۽ پوڙهپڻي جي مختلف دورن جي منظرڪشي ڪيل آهي. هي ڪتاب پڙهندڙن کي اتساه ۽ ويساه ڏي ٿو۽ زندگي جي لاهن ۽ چاڙهن سان منهن ڏيڻ بابت سکيا ڏي ٿو.
هونئن به ماضي کي نه وساربو آهي خاص طور يادگار لمحا، پوءِ ڀلي اهي خوشگوارهجن يا دک دائڪ، انهن کي سامهون رکي هميشه پاڻ کي ماضي جي آئيني ۾ ڏسندو رهجي. روبن شرما جو هي ڪتاب پڻ اهڙو ئي آئينو ڏيکاري ٿو.
ڪوي شنڪر
ڪراچي