فائيو اي ايم ڪلب ننڊ جي گهرجن کي پورو ڪري ٿو
The 5 AM Club grasps the essentialness of Sleep
فائيو اي ايم ڪلب ننڊ جي گهرجن کي پورو ڪري ٿو
“You cannot imagine the craving for rest I feel –a hunger and thirst. For six long days, since my work was done, my mind has been a whirlpool, swift, unprogressive and incessant, a torrent of thoughts leading nowhere, spinning round swift and steady”. –H.G.Wells
“مان آرام لاءِ ايترو تڙپي رهيو آهيان، توهان ان جو تصور به نه ٿا ڪري سگهو...جيئن ماڻهو بُک ۽ اُڃ ۾ تڙپندو آهي. ساندهه ڇهه ڏينهن ٿي ويا آهن، جڏهن کان منهنجو ڪم پورو ٿي چڪو آهي، منهنجو ذهن ڄڻ واچوڙي جيان سستي سان ڦيراٽيون پائي اچانڪ تيز ٿي ويو آهي ۽ مسلسل منهنجن خيالن جي ٻوڏ مون کي ڪاڏي به نه ٿي وٺي وڃي، بس رڳو، لڳاتار پئي تيزي سان گول ڦري.“. ايڇ جي ويلز
اُهي ٽيئي ويٽيڪن Vatican جو نظارو ڪري رهيا هُئا، ته روم جو سج مٿي ٿي چڪو آهي. گهٽين ۽ روڊن تي شور وڌي چڪو هو. شهر ۾ زندگي ڊُڪي رهي هُئي.
سيٺ جو هٿ ٻيهر هوا ۾ مٿي ٿيو. وري ٻيهر هڪڙو مددگار خبر ناهي ڪٿان اچي نڪتو. هن دفعي هڪڙو ماڻهو، جنهن جي عمر چاليهه سالن جي لڳ ڀڳ هُئي، هو عمارت ڏانهن ڊڪندو آيو ۽ ان جي وچ ۾ اچي بيهي رهيو ۽ هڪڙو اوزار ڪڍي ان مان زور سان وڏي آواز سان ڳالهائڻ لڳو. هڪ منٽ ۾ ئي مٿي کي پوتين سان ڍڪيل ٽي عورتون، جيئن توهان پنجاهه جي ڏهاڪي ۾ اطالوي فلمن ۾ ڏٺيون هونديون، ڳاڙهي رنگ جي ويسپا ۾ نڪري آيون. هنن پنهنجون گاڏيون اسپينش ڏاڪن جي هيٺان اچي بيهاريون.
”هلو، هلو دوستو! “، ارب پتيءَ چيو.”هاڻي وقت آهي سواري ڪرڻ جو“. It’s time to ride.
”۽ اهو جيڪو اسان مئلن ڏانهن هلڻ جي ڳالهه ڪئي هُئي“. عورت پڇيو، جيڪا ان وقت هٿ ٻڌي بيٺل نظر اچي رهي هُئي.
”مون تي ڀروسو رکو. پنهنجي پنهنجي اسڪوٽر تي ويهي رهو ۽ منهنجي پٺيان اچيو“. ارب پتيءَ هدايت ڪئي.
ٽيئي ساٿي روم جي قديمي گهٽين مان گذري رهيا هُئا. سج جي روشني ان وقت نمايان هُئي ۽ ڇانورن وارا روڊ، رومي ماڻهن ۽ سياحن سان ڀريل هُئا. شهر زنده محسوس ٿي رهيو هو. اهُي هڪڙي عمارت جي پاسي کان گذريا ته هڪڙي فنڪارا، هڪڙي ڪنڊ تي ڪو گيت اهڙي ته مڌر آواز ۾ پئي ڳايو جو ماڻهو هن تي پئسا گهوري رهيا هئا ۽ جنهن مان لڳي پيو ته شايد سڀاڻي هن کي موقعو نه ملندو. ارب پتي، ڪاروباري عورت ۽ آرٽسٽ روم جي روڊن تي پنهنجو سفر جاري رکندي هڪڙي ٻي عجيب عمارت ڏٺي؛ سيشيس جو احرام pyramid of Cestius ، جيڪو اڙهين ۽ ٻارنهين صديءَ دوران هڪڙي گنبّذ جيان تعمير ڪيو ويو هو.
”ايٽرنل سٽي The Eternal City جي وچ ۾ مصري نموني جو حرم... يقين نه ٿو اچي“. آرٽسٽ پنهنجون اکيون ان عمارت تي ڄمائي نهارڻ جي ڪُوشش ڪندي چيو.
هاڻي هي شهر جي حدن کان ٻاهر هُئا. ارب پتي هاڻي به انهن سڀني کان اڳتي هو. ايترا صبح گذرڻ جي باوجود اڄ پهريون دفعو عورت جي نظر هن جي ڪاري رنگ واري ٽي شرٽ جي پٺيان پئي، جتي بينجمن فرينڪلنBenjamin Franklin آمريڪا جي باني ميمبرن مان هڪڙو ميمبر هي به هيو، جنهن جا هي الفاظ لکيل هُئا؛ ”صبح سوير جي منهن ۾ سون ڀريل آهي“ The early morning has gold in its mouth ۽ هن جي هيلميٽ جي پٺيان هي اکر لکيل هُئا؛ اڳ ۾ جاڳو، آخر ۾ مرو“. Rise first, die last.
”هي ماڻهو ته ڏاڍو عجيب آهي، پنهنجي اسٽائل جو مختلف ماڻهو“، هُن عورت کان پڇيو.
هن کي اندازو هو ته هي حسين ۽ جذباتي ا يڊوينچر تمام جلد ختم ٿيڻ وارو آهي. پر، هن کي امُيد هُئي ته مسٽر رائلي هن جي زندگي ۾ هميشه رهندو. هن کي پنهنجي ترقي فقط مسٽر رائلي کي متاثر ڪرڻ لاءِ ناهي ڪرڻي، پر هن کي هن جي شديد ضرورت به آهي.
اهي ڪجهه دير تائين سفر ڪندا رهيا، پوءِ ارب پتيءَ اشارو ڪري ٻڌايو ته هن کي گهٽيءَ جي ڪنڊ ۾ بيهڻ گهرجي. ڪجهه چوڻ بنا هُنن پنهنجا اسڪوٽر اُتي بيهاريا ۽ سيٺ پنهنجن شاگردن کي پنهنجي پويان اچڻ جو اشارو ڪيو. روم جي عظيم جنرل جوليس سيزر Julius Caesar جي ڪتبي جي اڳيان پٿر جي ٺهيل ڏاڪن جو هڪڙو طويل سلسلو هو، جيڪو هڪ اونداهي ۽ مٽيءَ سان ڀريل سرنگهه ۾ اندر وڃي پيو.
”هي اسان ڪٿي اچي ويا آهيون“ آرٽسٽ پڇيو. هن جي اکين جي هيٺيان پگهر جا ڦڙا صاف نظر اچي رهيا هُئا. ٿورو تصور ڪيو ته توهان به انهن ٽنهي ماڻهن سان گڏ اُتي موجود آهيو ۽ تصور ڪيو ته ان وقت آرٽسٽ ان جو نظارو ڪهڙي نموني سان ڪري رهيو آهي.
”اسان Catacomb“ ۾ آهيون،“ ارب پتيءَ اعلان ڪيو. هي قبرستان زمين جي اندر آهي، جتي قديم رومي پنهنجن مُردن کي دفنائيندا هُئا. هي سڀئي زيرِ زمين رستا تدفين جون جايون آهن...جيڪي ٻين کان پنجين صدي عيسوي سان تعلق رکن ٿا“.
”۽ اسان هتي ڇو آيا آهيون“؟ عورت سوال ڪيو.
”مان توهان کي هڪڙي خاص سبب جي ڪري هن مقام ۾ وٺي آيو آهيان.“ ارب پتيءَ جواب ڏنو.
ان لمحي ڪنهنجي قدمن جو آواز ٻڌڻ ۾ آيو، جيڪا سرنگهه مان اچي رهي هُئي. آرٽسٽ عورت ڏي گهري نگاهه سان ڏٺو. ٻنهين جا دوڏا نڪري آيا هُئا. ارب پتيءَ هڪڙو لفظ نه ڳالهايو. قدمن جو آواز ويجهو اچي رهيو هو ۽ گهڻو تيز ٿيندو پئي ويو ۽ پوءِ مڪمل خاموشي ڇانئجي وئي.
هڪ ڊگهي قد جو ماڻهو جنهن جي هٿ ۾ هڪڙي وڌي ميڻ بتي هُئي، مٿي تي چادر پاتل هئس، جيئن ڪو ملو مٿي کي ويڙهيندو آهي، اهو ٻاهر نڪري آيو. ڪنهن به هڪڙو اکر نه ڳالهايو. هي منظر انتهائي تجسس ۾ وجهندڙ هو. نئون ماڻهو اچي انهن ٽنهي ماڻهن سان گڏ ويهي رهيو. ميڻ بتيءَ کي اڃان به مٿي بُلند ڪري ڇڏيو ۽ چئني پاسن کان هڪڙي دائري جي شڪل ۾ چرپر ٿيڻ لڳي. پوءِ هن پنهنجو جبو لاٿو. هاڻي ان ماڻهو جو منهن نظر اچي رهيو هو. اهو ڏٺل وائٺل پئي لڳو. هڪڙو اهڙو چهرو جنهن سڄي زمين ۾ پنهنجي ڪم جي ڪري ڪروڙين ماڻهن کي متاثر ڪيو هو ۽ پنهنجي وڏن خوابن جي تعبير کي حاصل ڪرڻ ۽ پنهنجي زندگي جي ڪارڻ کي تشڪيل ڏيڻ ۾ مدد ڪئي هُئي.
هي اسپيلبائينڊر هو It was The Spellbinder.
”الله، توهان ته مون کي صفا ڊيڄاري ڇڏيو هو“. آرٽسٽ جواب ڏنو، جيڪو هينئر پگهر ۾ شل ٿي ويو هو.
”معذرت، اسٽون مون کي هيٺ اچڻ جو چيو هو.“ اسپيلبائينڊر معافي ورتي.
”انتهائي غيرمعمولي جڳهه آهي، هي رومين جي زمين جي هيٺ قبرستان آهي، هن کي ڏسي ماڻهن کي ڏڪڻي وٺي ويندي آهي“. جيڪو ڏاڍو صحتمند، خوش ۽ مطمئن نظر اچي رهيو هو.
”ٻيو ٻڌايو دوست“ ارب پتيءَ پنهنجي ساٿي ۽ دوست کي ڀاڪر پائيندي چيو.
”هتي اچڻ لاءِ وڏي مهرباني“.
”يقينا“، اسپيل بائنڊر جواب ڏنو. ”مان اوهان ٻنهين کان اهو پڇڻ چاهيان ٿو، جيڪو توهان جي دل ۾ آهي. توهان کي خبر آهي ته مان هميشه ڪنهن نه ڪنهن ڪم سان ئي ايندو آهيان“. هُن وڌيڪ چيو.
”مسٽر رائليءَ مون کي چيو آهي ته مان توهان سان گهري ننڊ جي اهميت جي باري ۾ ڪجهه ڳالهايان ته ان جو اعليٰ تخليقيت، چوٽيءَ جي ڪارڪردگي ۽ ڪم سان ڪهڙو تعلق آهي ۽ منهنجي دوست مون کي اهو به ٻڌايو آهي ته توهان ٻنهين کي هتي آڻڻ جو مقصد فقط اهو ناهي ته انهن مُردن کي ڏٺو وڃي، بلڪ اهي سائنسي شاهديون به پيش ڪيون وڃن. جلدي موت اچي وڃڻ جو هڪڙو وڏو ڪارڻ گهڻي ننڊ نه ڪرڻ به آهي“.
”واقعي؟“، ڪاروباري عورت پڇيو، جنهن هڪڙي دفعي پنهنجا هٿ ٻڌي ڇڏيا هُئا. ميڻ بتيءَ واري روشني هن جي هٿ ۾ پاتل چاندي جي مُنڊي تي پئي پئي ۽ اها چمڪي رهي هُئي. هي اشارو هيو ته هن منڱڻو ڪري ڇڏيو هو. ارب پتيءَ اها ڏٺي ته خوشيءَ مان رڙ نڪري ويس.
”نه! ڇا توهان ٻنهين ....“ هن جوشيلي آواز ۾ چيو ۽ زور زور سان ائين نچڻ لڳو، جيڪو هن ان کان اڳ ۾ ڪڏهن به نه ڪيو هو.
”ها، اسان منڱڻو ڪري ڇڏيو آهي“. عورت ۽ آرٽسٽ جواب ڏنو.
”۽ توهان ٻنهين کي اسان شاديءَ ۾ گهرائينداسين. تمام ننڍڙي تقريب ڪرڻ جو ارادو آهي. پر اسان لاءِ تمام خاص هوندي“. آرٽسٽ جواب ڌنو.
هن تقريب لاءِ ماريشيس جي سامونڊي ڪناري تي موجود منهنجي جڳهه حاضرآهي“. ارب پتي پيشڪش ڪئي. ”۽ ها دوستو!ان تي جيترو به خرچ ايندو، هتي توهان ۽ توهان ٻنهين جا مٽ مائٽ ۽ سڀني دوستن جي رهائش، کائڻ پيئڻ، سڀ منهنجي طرفان هوندو. هي ته گهٽ ۾ گهٽ آهي، ڇو ته مان فائيو اي ايم ڪلب جي ٻن نون ميمبرن لاءِ اهو ڪري سگهان ٿو. توهان بظاهر هڪڙي اهڙي ماڻهوءَ تي اعتماد ڪيو آ جيڪو بظاهر ته چريو پئي لڳو . توهان مون سان گڏ سفر ڪيو. توهان سڄي علم کي اکين تي رکيو. توهان تمام سٺو ڪم ڪيو. توهان ٻيئي منهنجا هيرو آهيو، سورما آهيو“.
ارب پتي ءَ کي اوچتو کنگهه اچي ويئي. مون کي لڳي ٿو ته اها رستي ۾ هلڻ دوران اڏامندڙ دز جي ڪري ئي هُئي. پوءِ هُن پنهنجون ٽي آڱريون پنهنجي سينيءَ تي رکيون...بلڪل پنهنجي دل جي مٿان ۽ ٻيهر کنگهيو.
”توهان ٺيڪ ته آهيو نه؟“، عورت پنهنجو هٿ ٻاهر ڪري هن جي پٺي ٺپيندي چيو.
”ها“
”تنهنڪري، اسپيلبائنڊر چيو، ”اچو ته مان توهان کي ٻڌايان ته ليڊرشپ ۽ ۽ غيرمعمولي پيداواريت لاءِ توهان جي ڏينهن جي پهرئين ڪلاڪ جي درستگي ضروري آهي، اُتي وري بهترين نتيجن جي تجربي ڪرڻ لاءِ، ننڊ جي آخري ڪلاڪ جو خيال رکڻ، به انتهائي اهم آهي.“.
هن ميڻ بتي پنهنجي منهن تان هيٺ ڪري ڇڏي. جنهن جي ڪري هن جو چهرو وڌيڪ پراسرار نظر اچڻ لڳو. ”سڀني کان بهترين ڪارڪردگي ڏيکارڻ واري فن جي ماهر کي هن جاءِ تي پهچائڻ وارو هي عامل جيڪو پنهنجي صبح جي معمول ۽ رات جي معمول جي وچ ۾ رهي ٿو. توهان کي اسٽون جيڪو ويهه ويهه ويهه وارو فارمولو ٻڌايو آهي، توهان کي ان مان ان وقت تائين فائدو نه ٿو ٿي سگهي، جيسيتائين توهان رات جو مڪمل ننڊ نه ٿا ڪيو.“
”منهنجي ته هميشه ننڊ گهٽ رهي آهي“، ڪاروباري عورت اعتراف ڪيو. ”ڪيڏي مهل ته مون لاءِ پنهنجو ڪم ڪرڻ به ڏاڍو ڏکيو ٿي وڃي ٿو. ياداشت ڪم ڪرڻ ڇڏي ٿي وڃي ۽ مان ڏاڍي ٿڪجي پوان ٿي“.
”ها“، آرٽسٽ به تسليم ڪيو.”منهنجي ننڊ به ڏاڍي خراب آهي، مان رات جو ڪيترائي ڀيرا جاڳندو آهيان ۽ ها جڏهن کان مان هن سفر تي نڪتو آهيان، منهنجي ننڊ تمام سٺي ٿي ويئي آهي.
”اها ڳالهه ٻڌي ڏاڍي خوشي ٿي آهي، ڇو ته اسان عالمي سطح تي ننڊ جي کوٽ جي ڄار ۾ ڦاٿل آهيون“. اسپيل بائينڊر پنهنجي ڊرامائي انداز ۾ چيو، جنهن جي ڪم جي ڪري سڄي دنيا ۾ هن جي شهرت آهي. ”انٽرنيٽ ۽ سوشل ميڊيا ۽ ان سان گڏ تيزيءَ سان وڌندڙ برقي اوزار هن جو سڀ کان وڏو ڪارڻ آهن. تمام گهڻي تحقيق هاڻي اهو ثابت ڪري چڪي آهي ته انهن اوزارن جي اسڪرين مان جيڪا نيري رنگ جي روشني نڪري ٿي، ان جي ڪري اسان جي جسم ۾ ميلاٽونن Melatonin جو مقدار گهٽ ٿي وڃي ٿو. ميلاٽونن اهو ڪيميائي هارمون آهي، جيڪو اسان جي جسم کي اهو آگاهه ٿو ڪري ته هاڻي اسان کي ننڊ جي ضرورت آهي.Melatonin is the chemical that informs your body that it needs to get sleep. ان ۾ ڪو به شڪ نه آهي ته سڄو ڏينهن پنهنجي موبائيل کي چيڪ ڪندو رهڻ ۽ ڏسڻ سان سوچڻ/سمجهڻ جي اهليت گهٽ ٿئي ٿي. ان ۾ ڪي به ٻه ڳالهيون نه آهن. رات جو بستري تي سمهڻ وقت اسڪرين ( موبائيل، ٽيپ، ٽي وغيره) ڏسڻ سان ننڊ ۾ خلل پيدا ٿئي ٿو. مان توهان کي وڌيڪ گهرائي ۾ ٻڌائڻ چاهيان ٿو ته آلات ڪئين اسان جي اندر فوٽو ريڪيٽرز photo rectors جن کي intrinsically photosensitive retinal ganglion cells چون ٿا. ميلاٽونن جي تياري کي محدود ڪري ٿا ڇڏين. جنهن جي ڪري ننڊ جي نظام تي منفي اثر مرتب ٿين ٿا ۽ ظاهر آهي ته ننڊ خراب ٿئي ٿي. منهنجي خيال ۾ توهان منهنجي ڳالهه سمجهو ٿا“.
”جي بلڪل“ عورت تصديق ڪئي. ”جي ها مان سمجهي رهي آهيان. مان پنهنجي بستري تي وڃڻ کان اڳ ۾ پنهنجن معاملن کي درست ڪنديس ته جيئن صبح جو پنجين وڳي فريش ٿي اُٿان. مان واعدو ٿي ڪيان ته گهڻي ننڊ ڪنديس ته جيئن ويهه ويهه ويهه جي فارمولي تي سُٺي نموني سان عمل ڪري سگهان“.
”گهٽ ۾ گهٽ 66 ڏينهن...For The 66 Day Minimum, until it becomes an automatic habit جيسيتائين توهان جي عادت پڪي نه ٿي ٿئي“. آرٽسٽ جواب ڏنو. ”۽ پوءِ سڄي زندگي بستر تي ليٽيل رهڻ جي برعڪس، صبح پنجين وڳي اٿڻ تمام سولو هوندو اوهان جي لاءِ“.
”جڏهن اسان گهڻي ننڊ نه ٿا ڪيون،“ اسپيلبائينڊر چيو، ”ته نه صرف صبح سوير اٿڻ انتهائي مشڪل ٿي وڃي ٿو، بلڪ توهان سان گهڻي جٺ ٿئي ٿي، جيئن توهان جي ڪارڪردگي ۽ ڪارگذاري ۾ خلل، خوشي جي احساس ۾ ڪمي reducing your happiness ۽ صحت جا مسئلا eroding your health “.
”ٿورو اسان کي ٻيو به ٻڌايوTell us “. ارب پتيءَ حوصلي افزائي ڪئي جيڪو ان وقت قبرستان ۾ پلٿي هنيو ويٺو هو. ”هي پوسچر توهان جي چيلهه جي هڏي کان علاوه توهان جي هاضمي واري نظام لاءِ تمام گهڻو ضروري آهي.“ هن سمجهائيندي چيو.
This posture’s really good for your lower back as well as for your digestions.
”چڱو، جڏهن توهان ننڊ ڪندا آهيو ته ....۽ هتي اها ڳالهه ذهن ۾ رکجو ته ننڊ جو مقدار ئي اهم نه آهي، پر ان جو معيار به تمام گهڻُو اهم آهي. ....توهان جي چيلهه جي هڏي جي مک توهان جي دماغ جي صفائي ڪري ٿي ۽ توهان جا نيورونز 60 فيصد تائين سُسي وڃن ٿا، اهو به دريافت ڪيو ويو آهي ته توهان جو اندر جو نظام ....جنهن جي باري ۾ اڳ ۾ اهو خيال هيو ته اهو فقط جسم ۾ ئي ملي ٿو....پر هاڻي ان جي باري ۾ خبر پئي آهي ته اهو دماغ ۾ به ملي ٿو. ان جو مطلب اهو ٿيو ته انسان جي حيثيت سان اسان جي دماغ جي صفائي لاءِ هڪڙو باقائدي نظام موجود آهي، جنهن جي صفائي سٿرائي ٿيندي رهي ٿي. ته اهو درست ڪم ڪري ٿو ۽ اها صفائي سٿرائي فقط سمهڻ جي دوران ئي ٿئي ٿي“.
”صفا يقين ئي نه ٿو اچي، ڏاڍي وڏي ڳالهه ڪري ڇڏي اٿو“ عورت حيرت ۾ پئجي ويئي.
”هنن کي HGH جي باري ۾ ٻڌايو،“، ارب پتيءَ استاد کي التجا ڪئي.
”ضرور“ ، اسپيلبائينڊر چيو. ”ايڇ جي ايڇ انسان جي اندر وڌڻ جو هڪڙو هارمون (گروٿ هارمون) growth hormone آهي، هي دماغ جي ان حصي ۾ هوندو آهي جنهن کي پيچوٽري گلينڊpituitary gland of the brain and is important for health--- چوندا آهن ۽ جسم جي صتحمند هئڻ لاءِ تمام ضروري آهي. جيڪڏهن اهي هارمون صحتمند آهن ته سڄي جسم جو نظام درست ڪم ڪندو ۽ عمر ۾ به اضافو هوندو. ايڇ جي ايڇ مٿانهين سطح تي خوش مزاجي، سوچڻ جي اهليت، توانائي وڌي ٿي. ان جي ڪري تڪيلفن ۾ به گهٽتائي ٿئي ٿي. هتي هڪڙي اهم ڳالهه؛ ايڇ جي ايڇ ورزش جي دوران خارج ٿيندي آهي. ان ڪري ويهه ويهه ويهه فارمولي جو پهريون مرحلو توهان جي زندگيءَ ئي مٽائي ڇڏيندو. 75 سيڪڙو ايڇ جي ايڇ ننڊ جي دوران ٺهندو آهي. ۽ هتي به هڪڙي اهم ڳالهه؛ جيڪڏهن توهان چاهيو ٿا ته توهان جي دماغ جي صفائي ۽ سٿرائي چڱي طرح ٿي وڃي ۽ ايڇ جي ايڇ به سٺي نموني سان تيار ٿي وڃي ته توهان کي 90/90 منٽن جا پنج ڀرپور چڪر کپن. هي اهي ڳالهيون آهن، سائنس جن جي تصديق پئي ڪري، اها هر رات جو ساڍن ستن ڪلاڪن جي ننڊ ٺاهي ٿي. توهان کي اهو به معلوم هئڻ کپي ته ننڊ جي کوٽ ايتري خطرناڪ آهي جو ان جي ڪري موت ٿي سگهي ٿو. ان کان علاوه وري گهڻي ننڊ ڪرڻ به....9 يا ان کان وڌيڪ ڪلاڪن جي ننڊ به زندگي کي مختصر ڪري ٿي“.
”ڇا توهان وٽ ان جي باري ۾ ڪو اهڙو ماڊل آهي، ته جيئن اسان ان جي باري ۾ خوب آگاهه ۽ باشعور ٿي وڃون“. آرٽسٽ پڇيو.
”تمام بهترين، اسٽون؟ توهان هنن کي ڪاميابي وارو ٽن فيزن وارو فارمولو پڙهائي ڇڏيو آهي“. اسپيلبائينڊر ساراهه ڪئي.
ارب پتي جيڪو مسلسل مٽي سان ڀريل فرش تي ڄميو ويٺو رهيو، هن ڳاٽو ڌوڻيو.
”ها، مون وٽ توهان لاءِ هڪڙو فريم ورڪ آهي“، اسپليبائينڊر چيو،. ”مون پاڻ پنهنجي شام جي معاملن کي ترتيب ڏني آهي. جن جي ڪري ڪافي وقت ٿي ويو، مون کي رات جو سٺي ننڊ اچي ٿي“.
ان کان پوءِ اسپيلبائنڊر پنهنجو ٽارچ ڪڍي، جيڪا هن جي ڪپڙن ۾ ڪٿي لڪل هُئي.هن ان ٽارچ جي مٿان لڳل هڪڙو پيچ ڍرو ڪيو، ته هڪڙو لڪل حصو سامهون اچي نڪتو. ان مان هن ويڙهيل ٻه گول پرچيون ڪڍيون ۽ هڪڙي پرچي عورت ۽ هڪڙي آرٽسٽ کي ڏيئي ڇڏيون. هر پرچي تي هي خاڪو ٺهيل هو.
وڏن ڪمن ڪندڙن لاءِ سمهڻ کان اڳ ۾ جو معمول
The pre-sleep ritual of iconic producers
ڊيڪنسٽرڪشن (تعمير) Deconstruction
”مون کي سمجهه ۾ نه ٿو اچي ته توهان ٻنهين جو مان ڪئين ٿورو مڃان“، عورت ڳالهايو. هن پهريائين ارب پتيءَ ڏي نهاريو، جيڪو في الحال ويهڪ جا مزا ماڻي رهيو هو ۽ ان سان گڏ هلڪي آواز ۾ پڻ ڳالهائي رهيو هو. ”قسمت هميشه منهنجو ساٿ ڏئي ٿي ۽ مان درست سوچڻ جي قابل ٿيان ٿو، مان هميشه ليڊر آهيان، ڪڏهن به ڏک ۾ ورتل نه رهيو آهيان. هڪڙو شينهن آهيان، ڪڏهن به گدڙ نه ٿيو آهيان. مان پنهنجي زندگيءَ سان پيار ڪيان ٿو ۽ هر روز ان کي بهتر کان بهتر ڪرڻ جي ڪوششن ۾ رڌل رهندو آهيان. جيترن گهڻن ماڻهن جي مان مدد ڪندو آهيان، مون کي ايتري گهڻي خوشي ملندي آهي“.
”مان به هن جي ٿوري حمايت ڪريان ٿو“. آرٽسٽ چيو. I second my beloved’s gratitude,
”جيڪڏهن دُنيا کي فائيو اي ايم جي فلسفي ۽ طريقي جي خبر پئجي وڃي ۽ اهي اِن تي عمل ڪرڻ شروع ڪري ڇڏين، ته پوءِ هر انسان جيڪو زنده آهي، اُن جي زندگي بدلجي ويندي“، عورت ڳالهه اڳتي وڌائي ۽ ان سان گڏ مان هڪڙي ٻي ڳالهه به سمجهي ويئي آهيان ته صبح جو سوير سج اڀرڻ مهل اٿڻ، جي ڪري اهو نه ٿو چئي سگهجي ته ننڊ پوري نه ٿي، پر ان لاءِ جئين هڪڙي پُراڻي چوڻي آهي ته ”سوير سمهڻ، سوير اٿڻ“ تي عمل ڪرڻو پوندو“. Early to bed, early to rise
”۽ اسان مان هر هڪ جڏهن پنهنجي اندر ۾ انقلاب آڻي ٿو ته ان جي زندگيءَ جو هر رشتو، هر تعلق ۽ رويو،....پنهنجي فن کان وٺي ڪري پنهنجن ملندڙ ويجهن دوستن، مٽن مائٽن توڙي پري وارن تائين ....اسان سان بهتر ٿيندو رهندو آهي“. آرٽسٽ چيو.
” مهاتما گانڌي جي قول مطابق، دنيا کي جئين ڏسڻ چاهيو ٿا، ائين پاڻ به ٿي وڃو‘‘ Be the change you wish to see in the world،
ڪاروباري عورت چيو، جيڪا ان وقت هلڪي روشني ۾ پنهنجي منڊيءَ کي مهٽي رهي هئي. .
”مون ڪالهه رات جو سمهڻ کان اڳ ۾ گانڌي جي باري ۾ پڙهيو هيو“.
”نهايت احترام ۽ عزت سان ٻڌايان ٿو ته مهاتما گانڌي جي اصل لفظن کي ماڻهن ويجهڙائي ۾ پنهنجي مرضيءَ موجب تبديل ڪري ڇڏيو آهي“. ان جا اصل لفظ هي هيا.
ارب پتيءَ ڳالهه ڪاٽينديَ چيو؛ ”جيڪڏهن اسان پنهنجي پاڻ کي بدلائي ڇڏيون ته سچ پڇو ته سڄي دنيا بدلجي ويندي. جڏهن هڪڙو انسان پنهنجو رويو بدلائي ٿو، ته ان جي باري ۾ سڄي دنيا جو رويو بدلجي ويندو آهي. اسان کي ان اوسيئڙي ۾ نه رهڻ کپي ته ٻيا ڇا ٿا ڪن“.
“What he actually said”, interrupted the billionaire, “was, if we could change ourselves, the tendencies in the world would also change. As a man changes his own nature, so des the attitude of the world change toward him. We need not wait to see what others do”.
”تمام زبردست، اسٽونAwesome job, Stone “، اسپيلبائينڊر مسڪرائيندي پنهنجي دوست کي شاباس ڏني. ”پر مان توهان جي ڳالهه کي اڃان به اڳتي وڌايان ٿو“، هن عورت سان مخاطب ٿيندي چيو. ”توهان بلڪل صحيح چيو، منهنجي توهان کي ذاتي گذارش آهي ته توهان جيترا به اصول ۽ ذهني نمونا (مينٽل ماڊل) هتي سکيا آهيو، توهان کان جيترو گهڻو ٿي سگهي، ان کي اوترو ئي گهڻن ماڻهن تائين پهچايو ۽ انهن کي سيکاريو. ڇو ته توهان هتي صبح جي باري ۾ گهڻو ڪجهه سکيو آهي، جيڪڏهن هن دنيا جو هر ڪاروباري، هر کلاڙي، هر ملازم، هر سائنسدان، هر فنڪار، هرآرڪيٽيسٽ، هر سياستدان، هر استاد، هر ماءُ، هر فائر فائٽر، هر پيءَ، هر ٽيڪسي ڊرائيور، هر ڌي، ۽ هر پُٽ ان کي پنهنجي زندگيءَ ۾ آڻي ته هي سڄي دنيا ئي مٽجي وڃي. غم sadness، تلخيrudeness، منافقت mediocrity ۽ نفرت hate ختم يا وري ڪٿي گهٽ ٿي وڃي ۽ تخلقيت creativity خوبصورتي beauty ، شانتي peacefulness ۽ محبت love ڪٿي وڌي وڃي“.
”۽ هاڻي اسان کي هلڻ گهرجي“، اسپيلبائينڊر اعلان ڪيو. ”اسٽون، رات جو توسان رات جي مانيءَ تي مُلاقات ٿيندي. ٺيڪ“؟.
”بلڪل“، ارب پتيءَ اٿي بيهي جواب ڏنو. هن جي کنگهه ٻيهر شروع ٿي چُڪي هئي ۽ ڪجهه دير تائين مسلسل جاري هئي. هن جي ٻانهن ٿڙڪڻ لڳي ۽ ٽنگون به لڏڻ لڳيون. اسپيلبائنيڊر ٻي طرف ڏٺو.
”مون کي هلڻ کپي“، غالبان هو مقبري جي اونداهي ختم ٿيڻ کان اڳ ۾ اتان نڪري وڃڻ چاهي پيو.
باقي ٽيئي قبرستان جي خارجي رستي تي اچي ويا ۽ ڏاڪڻون چڙهڻ لڳا. ايتري تائين جو ان تي رومي سج جي روشني پوڻ لڳي.
ارب پتيءَ پنهنجي اسڪوٽر ڏي ڏٺو ۽ پنهنجن مهمانن کي ان جي پويان هلڻ جو چيو. اهي سڀئي سوڙهين گهٽين مان گاڏيون ڊوڙائيندا رهيا، ايتري تائين جو هڪڙي پراڻي، ڌپاري پُل تي پهچي ويا، جيڪو شهر جي پوئين ديوار جي ويجهو هو. جلدي ئي اهي سوڙهين ۽ اونداهين گهٽين مان گذرندي ويا وي ڊي ڪنڊو ٽي Via dei condotti جي تاريخ مقام تي پهچي ويا. عورت ۽ آرٽسٽ پنهنجا پنهنجا اسڪوٽر هڪڙي ڪُنڊ تي بيهاري ڇڏيا ۽ ارب پتيءِِ سان گڏ اسپينش ڏاڪن ڏانهن هلڻ شروع ڪيو.
”ڏسو“، ارب پتيءَ ٻڌائڻ شروع ڪيو. ”اهڙي ريت اسان گول دائري ۾ گهمندي گهمندي بلڪل اُتي پهچي وياسون، جتان صبح جو پنجين وڳي پنهنجو سفر شروع ڪيو هيوسين. ان کان اڳ ۾ جو اڄ اسان هتان نڪري هلون، دوستو! توهان ٻنهين کي انتهائي باريڪبيني سان آخري ماڊل پيش ڪيان ٿو. اسپيلبائينڊر مون کي هي نمونو ان وقت پڙهايو هو، جڏهن هو صفا جوان هيو ۽ ان تي عمل ڪرڻ سان اهو ثابت ٿي ويو ته اهو انمول آهي“. ارب پتيءَ پاڻ ڏانهن اشارو ڪندي چيو.
ارب پتيءَ زوردار آواز سان ٻنهي هٿن سان تاڙي وڄائي ۽ ان سان گڏ ئي ڪنهن شي جي تيز رفتاري سان چڪر ڪاٽڻ جو آواز ڪنن تي پوڻ لڳو، جيڪو هتان کان ٿورو ڏور ويلابورغيز کان اچي رهيو هو. جلد ئي هي آواز زور وٺڻ لڳو. ڪا شيءَ ارب پتي، آرٽسٽ ۽ عورت جي مٿان اڏامڻ/ڦرڻ لڳي. هي سياح جيڪي ڏاڪڻن تي ويٺي اسپريسو expressso ڪافي ۽ جيلاٽو gelato مان لطف اندوز ٿي رهيا هُئا، اُهي آسمان ڏانهن نهارڻ لڳا ته اها آخر ڪهڙي شي آهي، جيڪڏهن توهان به اُتي هجو ها ته ان منظر مان ڏاڍو لطف اندوز ٿيو ها.
گلن ۽ ٻوٽن جي پرنٽ جا ڪپڙا پاتل هڪڙي پوڙهي عورت جنهن جي هڪڙي هٿ ۾ هڪڙو ننڍڙو ٻار ۽ ٻي هٿ ۾ گلن جو دستو هو، حيرت مان رڙ ڪري چوڻ لڳي؛،” هي ته ڊرون آهي“ ويجهڙائي ۾ ئي هڪڙو ٻارڙو، جيڪو اسپورٽس جي ٽوپيءَ تي مٿو رکي، ڊينم جي جيڪيٽ ۽ جينز پاتل، اُتان گذري رهيو هو، رڙ ڪئي، ڪنهن اڻ ڄاڻ سبب جي ڪري هن جا پير ننگا هُئا.
ارب پتيءَ ڪنهن ماهر پائليٽ جيان، ان ننڍڙي هوائي جهاز کي ڍنڍ جي سطح تي لاٿو ۽ پنهنجن ٻنهي شاگردن کي اک هڻي چيو ته ، ”توهان لاءِ اڃان ٻيا به تحفا آهن“
ڊرون کي جڏهن کوليو ويو ته ان ۾ ڪاٺ جا ڊٻا رکيل هُئا ۽ ان ۾ شيشي جي اندر سجايل هڪڙو ماڊل پيل هو. هي نمونو هڪڙي جدول جيان هيٺين انداز ۾ لکيل هيو.
The amazing day Deconstruction
”دوستو، مون سوچيو جيڪڏهن مان توهان کي سڄي ڏينهن جو تفصيلي منصوبو ڏيئي ڇڏيان ته اُن مان توهان کي تمام گهڻُو فائدو ٿيندو. يقينا هي حرف آخر نه آهي، پر هڪڙو مثال آهي ۽ توهان پنهنجن ضرورتن ۽ اوليتن جي مطابق هن ۾ رد و بدل ڪرڻ ۾ مڪمل طور تي خود مختيار آهيو. ان ۾ جيڪي معمولات ڏنا ويا آهن، اهي مڪمل طور تي توهان سان ٺهڪي اهو چون ٿا ته توهان ان کي ڪيئن استعمال ڪيو. هي توهان جي زندگي آهي... ان کي جيئڻ جو اختيار توهان جو پنهنجو آهي. پر هن فريم ورڪ جي مدد سان ويهه ويهه ويهه فارمولي جي سڀني عنصرن کي ڀرپور نموني سان استعمال ۽ اختيار ڪرڻ جي قابل ٿيو. پوءِ هن جي روشني ۾ پنهنجو سڄو ڏينهن سٺي نموني سان ترتيب ڏيڻ جو موقعو هٿان نه وڃايو ۽ ان خاڪي ۽ فريم ورڪ جي مدد سان هر فرد پنهنجي سموري ڏينهن کي بهترين بنائڻ ۾ مدد وٺي سگهي ٿو. هي ڪنهن ”ترڪيب تياري“ (ريسيپي) جيان آهي؛ ڏنل مرحلن موجب عمل ڪندا وڃو، توهان کي نتيجا ملي ويندا.
”۽ حيرت ۾ وجهندڙ ڏينهن...هڪ کان پوءِ وري ٻيو....حيرت ۾ وجهندڙ هفتو...هڪ کان بعد وري ٻيو....۽ وري هفتي کان پوءِ وري حيرت ۾ وجهندڙ مهينو.....هڪ کان پوءِ وري ٻيو.... لڙي جي شڪل ۾ اهو سلسلو هلندو رهي ٿو“. آرٽسٽ پنهنجو جرنل بند ڪندي چيو.
”۽ وري حيرت ۾ وجهندڙ مهينا....هڪ کان بعد ۾ وري ٻيا....حيرت ۾ وجهندڙ ٽماهي ۾ بدلجندا رهن ٿا....۽ وري حيرت ۾ وجهندڙ ٽماهي.....هڪ کان بعد وري ٻيو، ....حيرت ۾ وجهندڙ سال....هڪ کان بعد وري ۾ ٻيو.....حيرت ۾ وجهندڙ ڏهه سال ترتيب وٺن ٿا ۽ هي هر عشري کان ٻي عشري ....“ عورت پنهنجو جرنل بند ڪندي آرٽسٽ جي ڳالهه کي اڳتي وڌايو.
”۽ پوءِ وري حيرت ۾ وجهندڙ زندگي،“ ٽنهي گڏجي هڪڙو نعرو لڳايو.
””هر روز، هر قدم تي، هڪڙو شاهڪار وجود ۾ اچي ٿو“، ارب پتي ڳالهه ڪئي. ويجهڙائي ۾ بيٺل سامونڊي پکي پنهنجا پر ڪڍي پنهنجي مخصوص آواز ۾ ٻولڻ لڳا، جنهن مان لڳو ته اصل ۾ هنن پنهنجي خوشي جو اظهار پئي ڪيو.
ارب پتي ان ۾ ڪو شڪ ناهي ته انتهائي شفيق انسان ۽ محبت ڪرڻ وارو دوست آهي، نه فقط پئسي جي اعتبار کان هو هڪڙو دولتمند ماڻهو هو، پر هن جو دل به امير هيو ۽ هن کي اها ڳالهه تمام خراب پئي لڳي، انهن پکين گذريل ڪجهه سالن ۾ روم جي ڇتن تي قبضو ڄمائي ڇڏيو هو.
”ان پکين لاءِ ڪجهه ڪرڻ جي ضرورت آهي“، هن پنهنجي راءِ ڏني. هن جي ڳالهائڻ مان لڳي پيو ته هو ڪنهن ڳالهه ۾ منڌل آهي. ”بهرحال، توهان ٻنهين کي خبر پئجي وئي هوندي ته مان توهان ٻنهين کي اسپينش ڏاڪن تي ڇو وٺي آيو آهيان. شاندار ڪارڪردگي Explosive productivity, ، بهترين صحتelite health, ، خوشحاليexceptional prosperity ، خوشي sustained joy ۽ اندر جي راحت boundless inner peace جي لاءِ، سچ اهو آهي ته اسان کي هر قدم تي ضرورت آهي، ننڍڙيون، معمولي، نظر ايندڙ روز جون خوشيون ۽ ترقيون، ...جڏهن هڪڙي خاص وقت تائين مسلسل جاري رکيون وڃن ته پوءِ بهترين نتيجا ملندا آهن. ننڍڙيون ننڍڙيون خوشيون جيڪي توهان لڳاتار جاري رکو ته اهي آخر ۾ ايڏا وڏا نتيجا ڏينديون آهن، جن جو تصور به نه ٿو ڪري سگهجي. هي جڳهه منهنجي پسند جي جاين مان سڀني کان پهرئين نمبر تي آهي. هتي مان توهان کي فقط ويهه ويهه ويهه فارمولو پڙهائڻ لاءِ نه وٺي آيو آهيان، پر اهو به ڏيکارڻ ته غير معمولي ۽ شڪايت ڀريل حقيقت لاءِ هر قدم تي اڳتي وڌڻ ۽ هڪ ڏاڪي کان ٻي ڏاڪي تائين ننڍيون ننڍيون ڪاميابيون حاصل ڪرڻيون پونديون آهن. توهان پاڻ ان جا گواهه آهيو ته توهان جي سوچ هر قدم تي توهان جي سالن واري ڪم کي بهتر ڪري ڇڏي ٿي ۽ يقينن ان جو فائدو توهان جي ذات کي ٿيندو“.
شيشي تي ٺهيل لرننگ ماڊل کي احتياط سان اسڪين ڪرڻ کان پوءِ، عورت حيرت مان وڏي آواز سان رڙ ڪري چيو،” هي نوي نوي هڪ جوقانون (90/90/1 Rule)ڇا آهي؟ ۽ وري 60/10 method جو طريقو ڇا آهي ۽ مان ڪجهه مخفف به سمجهي نه ٿي سگهان“.
”۽ فريم ورڪ تي 2ww ۽ 2mp جو مطلب ڇا آهي؟ آرٽسٽ پڇيو.
”ان جي توهان کي جلد خبر پئجي ويندي“. ارب پتيءَ تجسس برقرار رکندو چيو.
”توهان ٻنهين کي خبر هئڻ گهرجي اسان ٽيئي جيترو وقت گڏ آهيون، ان جو مقصد آهي ۽ اهي فارمولا ڏاڍا اهم آهن، انهن جو ڪم تمام بهترين....۽ سڀ کان اهم آهي. توهان اهي فارمولا ڏکئي وقت لاءِ به رکي ڇڏيو.
پوءِ، هو، ڪاروباري ۽ آرٽسٽ اڳ کان به وڌيڪ خوشي ۾ ڪپڙن ۾ نه پيا ماپن ۽ خوشيءَ مان هنن جي اکين ۾ ڳوڙها اچي ويا.
”مون کي توهان ٻنهين سان محبت آهي“. ارب پتي چيو ۽ پوءِ هو غائب ٿي ويو.