ڪڪڙون ڪون
ٻيءَ معنيٰ ۾، ” تون ئي تون“
ڪڪڙ منهنجو آهه رنگ رنگيلو،
ڪڏهن حليم ته ڪڏهن هٺيلو
ڪونه ڏٺو ڪو اهڙو مون،
ڪڪڙ ڪري ٿو، ڪڪڙون ڪون.
ڪڪڙ ڪري ٿو منهنجو ، ميوا کائي،
هيڏي هوڏي ڇو واجهائي،
ڏي ٿو ٻانگن تي ٻانگون،
ڪڪڙ ڪري ٿو ڪڪڙون ڪون.
ڪڪڙ جو نالو ڪوڏو آهي،
پيار منجهان ٿو پرڙا ساهي،
آءُ ته گڏجي رنگ ڏسون،
ڪڪڙ ڪري ٿو ڪڪڙون ڪون.
ڪڪڙ منهنجو آهه قربن وارو،
وندرائي ٿو دل ويچارو،
وڪڻان ” بزمي“ ڇو ڇاکون،
ڪڪڙ ڪري ٿو ، ڪڪڙون ڪون.
O