جنهن جو عشق الله سان
“لاَخَوفُ عَلَيهِم” سي، بلڪل آهن بندا،
اوکي سوکيءَ ۾ انهن ڏي، آهي ڪندو خيرخدا،
اطاعت جو انهن جي، امر ڏنو نبيءَ نور الهديٰ،
جنهن شر پٺيان شيطان جي، جوڙي جاءِ جدا،
ڪيريندس ڪنڌ ڀر، تنهن کي اهي ڪمَ ڪُڌا،
نفس جا نهوڙي جنهن، ڪيا فقير ڪم فدا،
تنهن سان ساڻي سدا، آ مالڪ “مولابخش” چئي.
دُنيا ۾ دوستو آهي جنهن جو عشق احمد ڄام سان،
تنهن جو نروار نام ادا آهي اسلام سان،
تانگهه تنهن جي تن ۾، هوندي صلوٰة و سلام سان،
اهو نرمل جي نام سان، مشهور هوندو “مولابخش” چئي.