ڪنهن جي خاطر گيت لکان ٿو،
ڪوئي ته آهي منهنجو،
سپنا اڄ ڳائن ٿا ڪنهن لئه،
دل جا در لاهن ٿا ڪنهن لئه،
درد وساري آءٌ کلان ٿو،
ڪوئي ته آهي منهنجو،
موهيو محبت جنهن جي آهي،
منهنجي دل ٿي جنهن کي چاهي،
اوسيئڙي ۾ جنهن جي رهان ٿو،
ڪوئي ته آهي منهنجو،
مٺڙو ماڻهو آهي سوئي،
درد ڇڏيندو آهي ڌوئي،
مرڪي جنهن سان آءٌ ملان ٿو،
ڪوئي ته آهي منهنجو،
پيار سندو درياءُ پرين آ،
منهنجي سڪ ۽ ساھ پرين آ،
جنهن جي هر پل راھ ڏسان ٿو،
ڪوئي ته آهي منهنجو،