تنهنجي من ۾ سارَ اُٿي آ،
ڄڻ ڪائي هٻڪار اُٿي آ،
تون جي ايندين خوشيون اينديون،
سورن هاڻيون گھڙيون وينديون،
تنهنجي خاطر منهنجي من ۾،
گيتن جي گونجار اُٿي آ،
تنهنجي من ۾ سارَ اُٿي آ،
ڄڻ ڪائي هٻڪار اُٿي آ،
موسم بڻجي وئي متوالي،
دلڙي تنهنجي سونهن جي سوالي،
منهنجي من ۾ محبت واري،
جھيڻي ڪا جھنڪار اُٿي آ،
تنهنجي من ۾ سارَ اُٿي آ،
ڄڻ ڪائي هٻڪار اُٿي آ،
اڱڻ اسان جي آءُ سکي تون،
مرڪي مونسان کاءُ سکي تون،
تو لئه مٺڙي منهنجي من ۾،
پريت سندي پُڪار اُٿي آ،
تنهنجي من ۾ سارَ اُٿي آ،
ڄڻ ڪائي هٻڪار اُٿي آ،