راھ تڪن ٿيون ڪنهن جي اکيون،
راھ وڇائن جنهن جي اکيون،
پريت جو پائي پير،
ايندو مونڏي ڪير!؟
چانڊوڪي ۾ ٽهڪ ٻُرن ٿا،
نيڻ ملن ٿا، نيڻ ٺرن ٿا،
گلڙا ميڙي دل کي کيڙي،
مون مان ڪڍي مير،
ايندو مونڏي ڪير!؟
رات ڇڏيو هو دَرُ مون لاهي،
آس مَ لاهي ڪنهن کي چاهي،
لڙڪ مٽائي ، مرڪ سجائي،
اڄ صبح سوير،
ايندو مونڏي ڪير!؟
گل کڻي هو مون ڏي ايندو،
پيار ونڊيندو سُور سليندو،
مون کي چاهي ، ڇاتي لائي،
کڻي خوشبو ڍير،
ايندو مونڏي ڪير !؟
پورو ٿيو