شاعري

چؤواٽي تي

شيخ اياز جي لکيل مهاڳ سان نند جويري جي لکيل ڪويتائن تي مشتمل ڪتاب ”چئو واٽي تي“ ونڊ ڪجي ٿو۔
پنهنجي ابهام (Vagueness) جي باوجود نند جي شاعريءَ کي سنڌيت سان ڀرپور ڪمٽمينٽ آهي. اِنهيءَ ڪمٽمينٽ کان سواءَ سنڌي ادب هوا ۾ انهيءَ غباري (Baloon) وانگر آهي، جنهن کي ڪوئي طرف نه هجي جو اُڏامي اَنت ۾ ڦاٽي پوندو ۽ هوا سان هوا ٿي ويندو.

شيخ اياز

4.5/5.0
2455
711
آخري ڀيرو اپڊيٽ ٿيو:
نند جويري
ڇاپو پھريون

اوندهه ۾

پريه !
هن اوندهه ۾
لکندو ٿو وڃان
اکرن مٿان اکر
لکندو ٿو وڃان
ڪير سمجهندو
هيءَ لپي
هيءَ ڀاشا
شايد تون به نه
پريه !
انهن ليڪن کي پڙهڻ ڇڏي
پيهي ڏسج انهن ليڪن ۾
منهنجو مهانڊو پائيندين !
اکرن مٿان اکر
ليڪن مٿان ليڪون
ڦٿڪندڙ ليڪن ۾
منهنجو چيٿاڙيل پيار
تون پائيندين پريه !