ڪامران سومرو (هڪ خط)
ڏوڪري
17-10-2004
پيارا عيسيٰ!
منهنجي نظر ۾ بهادر اهي آهن جيڪي وقت کي مات ڏين ٿا. مان سمجهان ٿو انهن بهادرن مان توهان به هڪ آهيو جيڪي پنهنجي محنت سان منزلون طئي ڪري ٻين اڳيان ثابت ڪري ڏيکاريو آهي ته اڄ جو غريب، غريب ناهي پر علم وارو اميرن کان به وڌيڪ شاهوڪار آهي. جيڪي پنهنجا خواب جوڙين ٿا سي ساڀيان ڪرڻ به ڄاڻندا آهن. انهيءَ جي ذهن جي دنيا ۾ پنهنجو جوڙيل خواب ستاري وانگر چمڪندو رهندو آهي. اسان اميد ڪيون ٿا ته جنهن مقصد لاءِ اوهان نڪتا آهيو اهو خواب اسان جي نگاهن ۾ حقيقت جو روپ اختيار ڪندو آهي، اوهان جي وڃڻ کان پوءِ الاءِ ڇو اسان کي اڪيلائي وارو احساس اندر کي جهوري رهيو آهي اسان جي دعا آهي منزل مقصود ماڻيو، خطن جو سلسلو جاري هجي جيئن توهان ۽ اسان کي خبر پئجي سگهي. راشد قاضي، طفيل سوهو، امام بخش، عباس خاصخيليءَ جا سلام.
اوهان جو پنهنجو
ڪامران سومرو