• چپن جا گُلاب
محبتن جا خواب ارپڻ کان پهرين،
ٿرڪندڙ شباب ارپڻ کان پهرين،
مٺِي سوچجان، ٿورو سوچجان،
وفائن جي رستن تي جانان،
جفائُن جا ٻوٽا ڀي نسرِي پون ٿا،
بهارن جي موسم ۾ به جانان،
خزائون ڀي گُهلِي پون ٿيون،
ثواب جيڪي تُون ارپين پئي هرڪنهن،
گُناهن جي گنگا ۾ نه ڌوپِي ته سگهندا،
شرابن جي ارپڻ جون،
تُون ڳالهيون ڇڏي ڏي،
شبابن جي ارپڻ جون تون ڳالهيون ڇڏي ڏي،
ڪو مدهوش بڻجي،
تُنهجي دل جو شيشو نه ٽوڙي وجهي،
تُنهنجي دل جو شيشو،
جي مٺڙِي ٽُٽي پيو ،
ته جِي مان به نه سگهندس،
۽ پن ڇڻ جي موسم وانگر،
وڻن جي پنن جيان، ڇڻِي مان به پوندس،
متان ڪنهنکي ڀلجِي،
چپن جا گُلاب ارپين،
متان ڪنهنکي ڀُلجي،
تازا ۽ ڳاڙها گُلاب ارپين،
متان ڪنهنکي ڀُلجِي،
پويتر شباب ارپين،
متان ڪنهن کي ڀُلجِي
اکين جا شراب ارپين ....!