سيلاني
ننڍپڻ کان سير ۽ سفر جو شوق آهي.ان شوق جي ڪري هر سال سياري ۾ سنڌ يا پنجاب ويندو آهيان. انڪري سيلاني آهيان. ۽ ڪتاب جو نالو به سيلاني رکيم.
ڪيئي ڀيرا سنڌ ويو آهيان جو براهوئي ادبي سيمينار فريدآباد جي پهرين ڏينهن کان اڄ تائين جي سيمينارن ۾ حصو ورتم. ان کان سواءِ پنجاب، سرحد، آزاد ڪشمير ۽ بلوچستان جي ڪنڊ ڪڙڇ ۾ پنهنجي طرفان يا سرڪاري ڪمن جي سلسلي ۾ ويس. مهينن جا مهينا رهيس. مگر سفرنامي لکڻ جو خيال ڪونه آيو.
هن سال نائين براهوئي ادبي سيمينار فريدآباد وقت خيال ٿيو ته هن ڀيري ڇو نه تاريخي ۽ تحقيقي سفر ڪجي؟. هن سفر ۾ منهنجو پڳ مٽ دوست براهوئي يونيورسٽي آف بلوچستان ۾ قائم براهوئي شعبه جوسرواڻ ڊاڪٽر عبدالرزاق صاحب( هاڻ تربت يونيورسٽي بلوچستان جو وائس چانسلر) به گڏ هو. ان ڪري هن سفر جي روئداد لکڻ جو حوصلو مليو.
پهريون هي خيال هو ته قسطون لکي هفت روزه “ايلم” مستونگ ۾ ڇپائجن جڏهن لکيل سفرنامي کي دوستن ڏٺو ته مشورو ڏنو ته هي سفرنامو ڪتاب جي صورت ۾ ڇپائجي. جو براهوئي ادب يا زبان کي هن جي ضرورت آهي. ڇو ته براهوئي ۾ ڪو سٺو سفرنامو ڇپيو ناهي.
دوستن جو پيار خصوصي ڏسي حوصلو پاتم. ڪافي مصروفيت مان وقت ڪڍي هي لکيو اٿم.
مان پنهنجي ڪوشش ۾ ڪيتري قدر ڪاميابي ماڻي . ان جو فيصلو اوهان کي ڪرڻو آهي.
عبدالقيوم بيدار
بيدار منزل هده
ڪوئٽه بلوچستان