شاعري

پيار جي پهرين بارش

ڪتاب “پيار جي پهرين بارش” لاڙڪاڻي سان تعلق رکندڙ بهترين شاعر، ڪهاڻيڪار ۽ مضمون نگار رضوان گُل جي شاعريءَ تي مشتمل آهي.
  • 4.5/5.0
  • 2564
  • 854
  • آخري ڀيرو اپڊيٽ ٿيو:
  • رضوان گل
  • ڇاپو پھريون
Title Cover of book پيار جي پهرين بارش

تنهنجو ناهي ڪوئي جواب پرين

تنهنجو ناهي ڪوئي جواب پرين
تو سان ڪهڙو ڪبو حساب پرين

بد نظر هي سڄو زمانو آ
راهه تي اچ نه بي نقاب پرين

تنهنجي اکڙين جي مڌ پي ڄاتم
تن کان وڌ ناهي ڪو شراب پرين

لڙڪ نيڻن جا بند ٽوڙن ٿا
بي رُخيءَ سان نه ڏي عذاب پرين

تنهنجي نالي ڪري ڇڏيا آهن
پنهنجي ڪَوتا جا سڀ ڪتاب پرين

گل آهيان مان تنهنجو ساڳيو ئي
مون کان ايڏو نه ڪر حجاب پرين