ڏاڍائي ۽ ٻئي جو حق ڦٻائڻ
جنهن شخص ڪنهن ٻئي جي ٿورڙي زمين به ناحق ڦٻائي ته قيامت ڏينهن انهيءَ زمين جي ڪري (ان جي سزا ۾) زمين جي ستن طبقن تائين دٻايو ويندو. (صحيح بخاري)
جنهن ماڻهوءَ به ڪنهن جي شيءِ کسي وري يا ڦري ورتي اهو اسان مان ناهي. (جامع ترمذي)
توهان مان ڪو پنهنجي ٻئي ڀاءُ جي لٺ به نه کسي نه مذاق ۾ ۽ نه ڦٻائڻ جي ارادي سان. پوءِ جيڪڏهن ائين وٺي چڪا آهيو ته ان کي واپس موٽايو. (جامع ترمذي- سنن ابي دائود)