کاڌي پيتي جا احڪام
جڏهن توهان مان ڪو کائي ته ساڄي هٿ سان کائي ۽ جڏهن ڪجهه پيئي ته ساڄي هٿ سان پيئي. (صحيح مسلم)
جڏهن توهان جي سامهون کاڌو رکيو وڃي ته پنهنجا جوتا لاهي ڇڏيندا ڪريو. انهيءَ سان توهان جي پيرن کي راحت ملندي. (مسند درامي)
کاڌو ڪجهه ٺاري کائڻ زياده برڪت جو باعث هوندو آهي.(مسند درامي)
هڪ جو کاڌو ٻن لاءِ ڪافي ٿي ويندو آهي، ٻن جو کاڌو چئن لاءِ ۽ اهڙي طرح چئن جو کاڌو اٺن لاءِ ڪافي ٿي ويندو آهي.
(صحيح بخاري)
الله تعاليٰ کي اهو کاڌو ڏاڍو محبوب آهي جنهن ۾ گهڻا هٿ پون. (يعني گڏجي کائڻ ۽ آئي وئي کي شريڪ ڪرڻ.)
(ابو يعليٰ)
کاڌو پنهنجي پاسي کان کائو ۽ وچ ۾ هٿ نه وجهو، ڇاڪاڻ ته برڪت وچ ۾ نازل ٿيندي آهي. (جامع ترمذي)
مان ٽيڪ ڏئي يا ڪنهن شيءِ جي سهاري تي ويهي کاڌو نه کائيندو آهيان. (صحيح بخاري)
الله تعاليٰ پنهنجي ٻانهي جي انهيءَ عمل کان بيحد خوش ٿيندو آهي جو هو ڪجهه کائي ته ان تي الله جو حمد ۽ شڪر ڪري يا ڪجهه پيئي ته ان جو حمد ۽ شڪر ڪري. (صحيح مسلم)