سخاوت ۽ بخيلي
پڪ ڄاڻو ته هڪ جاهل سخي الله تعاليٰ کي هڪ ڪنجوس عابد کان زياده پيارو هوندو آهي. (بخاري-مسلم)
حرص، بخيلائي ۽ ايمان ڪڏهن به هڪ دل ۾ جمع نه ٿا ٿي سگهن. (سنن نسائي)
ڌوڪيباز، بخيل ۽ احسان جتائڻ وارو ماڻهو جنت ۾ نه وڃي سگهندو. (ترمذي)
جيڪو ماڻهو پنهنجي دولت وڌائڻ لاءِ سوال ۽ گداگريءَ جو دروازو کوليندو ته الله تعاليٰ ان جي مال کي اڃان به گهٽائي ڇڏيندو. (مسند احمد)
توهان ٻين وانگر ريسالا نه ٿيو جو چوڻ لڳو ته جيڪڏهن ماڻهو احسان ڪندا ته اسان به احسان ڪنداسين ۽ جيڪڏهن ٻيا ماڻهو ظلم جو رويو هلندا ته اسان به ائين ڪنداسين. بلڪه پنهنجي دلين کي هن ڳالهه تي پڪو ڪريو ته جيڪڏهن ٻيا ماڻهو احسان نه ڪن تڏهن به توهان احسان ڪريو ۽ جيڪڏهن ٻيا ماڻهو برو سلوڪ ڪن تڏهن به توهان ظلم ۽ برائيءَ جو رويو اختيار نه ڪريو. (بلڪ احسان ئي ڪريو)(ترمذي)