حج
الله جو جيڪو ٻانهو حج، عمري جي نيت سان يا الله جي راهه ۾ جهاد لاءِ نڪتو پوءِ رستي ۾ کيس موت اچي ويو ته الله تعاليٰ جي طرفان ان لاءِ ساڳيو اجر ۽ ثواب لکيو وڃي ٿو جيڪو حج ۽ عمري ڪرڻ وارن لاءِ ۽ خدا جي راهه ۾ جهاد ڪرڻ وارن لاءِ مقرر آهي. (بيهقي)
حج ۽ عمري ڪرڻ وارا الله تعاليٰ جا مهمان آهن، جيڪڏهن اهي الله کان دعا ڪن ته سندن دعا قبول فرمائي ۽ اهي جيڪڏهن ان کان بخشش گهرن ته کين بخشي ڇڏي.
(سنن ابن ماجه)
جنهن حج ڪيو ۽ ان کان پوءِ منهنجي قبر جي زيارت ڪئي منهنجي وفات کانپوءِ، ته اهو (زيارت جي سعادت حاصل ڪرڻ ۾) ان ماڻهوءَ وانگر آهي جنهن منهنجي حياتيءَ ۾ منهنجي زيارت ڪئي. (بيهقي)