ڌيءَ
چئوطرف گهنجيل ۽ روئڻا منهن، ميٽرنٽي هوم تي ان ڏينهن ڄڻ ڪا آفت نازل ٿي هجي... ٻڌڻ ۾ پئي آيو ته اڄوڪي ڏينهن تي اڪثريت ۾ ڌيئرن جو ڄم ٿيو آهي..
بهرحال، هڪ همراھه پنهنجي تازي ڄاول ڌيءَ کي خدا جي رحمت سمجهي، مٺائي هٿ ۾ ڪري، هڪ ڪمري مان ٻاهر نڪتو ۽ ٽلندو موجود ماڻهن ۾ ورهائڻ لڳو، هڪ ڪمري جي دروازي وٽ لڙڪ لاڙيندڙ هڪ جهونڙي عورت ڏانهن مٺائي وڌايائين، عورت خوش ٿي چيس، ”ابا پُٽڙي جون مبارڪون هجنئي، مون واري ڇوريءَ کي هيل به ٽين ڌيءَ ڄائي آهي .“