يادگيريون سنڀال ڪم ايندئي

چيتن ميگهواڙ ڪيترا ڪشالا ڪٽيا ۽ زندگيءَ جي چوواٽي تي پاڻ سان ٿيندڙ وارتائن کي نه فقط لفظن جو لباس اوڍيو پر هر نظر ايندڙ منظرن ۽ محسوس ٿيندڙ احساسن کي نهايت سادگيءَ ۽ سچائيءَ سان پنن تي پٿاريندو ويو، ان کان وڌيڪ چيتن جي صاف گوئي ۽ سچائي ٻي ڪهڙي چئبي جو پاڻ پنهنجي دل ڪتاب اسان آڏو کولي رکيو آهي، جنهن ۾ ماضيءَ جا قصا ۽ سڏڪا ساروڻين جي ڳنڍ کولي ڪيرتائي سنيها ۽ تجربا بيان ڪري رهيا آهن.