شاعري

رُوح جُون روُلاڪِيون

هي ڪتاب صالح عباسي جي شاعريءَ جو پهريون مجموعو آهي. صالح عباسي غزل جو خوبصورت شاعر آهي. سندس ڪتاب ”روح جون رولاڪيون“ ۾ شامل غزل، وايون، نظم ۽گيت سندس احساساتي ڪيفتين جو اهڙو نچوڙ آهن، جنهن ۾ سندس اظهار جو انداز پڻ سادو، سلوڻو ۽ منفرد آهي، اهوئي سبب آهي جو سندس ڪوتائن ۾ پيار جي پهرين چميءَ وانگر روحاني رولاڪين جو ذڪر بجانب نظر اچي ٿو.
  • 4.5/5.0
  • 1913
  • 540
  • آخري ڀيرو اپڊيٽ ٿيو:
  • صالح عباسي
  • ڇاپو پھريون
Title Cover of book رُوح جُون روُلاڪِيون

مارن مک تي مرڪون گهرجن،

وحشت جي واکاڻ نه گهرجي،
خون ٻڏل سرهاڻ نه گهرجي.

مارن مک تي مرڪون گهرجن،
اکڙين ۾ آلاڻ نه گهرجي.

ڊيم جا حامي ڪل حرامي،
اندر جي ڪاراڻ نه گهرجي.

مير وڏيرا خان بهادر،
هاڻي ڪا گدلاڻ نه گهرجي.

سنڌو منهنجو مست وهي شل،
کيتن ۾ پيلاڻ نه گهرجي.

اجرڪ رکجو منهنجي سِرَ تي،
رسمن جي ڇڪتاڻ نه گهرجي.
*