آءُ اسان لئه او ساجن تون،
ڌرتيءَ جيڏو پيار کڻي آ،
سونهن سندو سنسار کڻي آ،
نينهن ڪري نروار کڻي آ،
آءُ اسان لئه او ساجن تون.
سندر سندر خواب کڻي آ،
چنڊ ڪتيون ۽ گلاب کڻي آ،
پَرَ ائين تون نه حجاب کڻي آ،
ڪجهه ته اسان لئه ثواب کڻي آ،
آءُ اسان لئه او ساجن تون.
جيون منجهه بهار کڻي آ،
آڳ ڪري گلزار کڻي آ،
جوڀن باغ بهار کڻي آ،
خوشبو ٿي جيئن منهنجو تن من،
اهڙي ڪا مهڪار کڻي آ،
ڪجهه ته مٺا منٺار کڻي آ،
آءُ اسان لئه او ساجن تون،
ڌرتي جيڏو پيار کڻي آ.
*