بچپن
هر ڪو جنهن سان پيار ڪندو آ،
بچپن باک جيئان هوندو آ،
سُرندي جي سُرَ وانگي آهي،
تنبوري جي تار جيئان آ،
گلڙن جي مهڪار جيئان آ،
وينگس جي سينگار جيئان آ،
پوتر پوتر پيار جيئان آ،
جنهن وٽ نفرت مور نه آهي،
لالچ کان ڀي دور رهي ٿو،
اُڃ ۽ بک تي روئي ڏئي ٿو،
روئڻ سان هو چاهه رکي ٿو،
خوشبوءَ جهڙا ساهه رکي ٿو،
اندر ٻاهر هڪجهڙو هو،
ناهي پر ولي لڪ جهڙو هو،
آڳر جو سينگار لڳي ٿو،
ماضيءَ جو ڪردار لڳي ٿو،
هن سان گڏجي من مرڪي ٿو،
ڄڻ ته سڄو جيون مرڪي ٿو،
وقت اُهو سُندر هوندو آ،
سهڻو هر منظر هوندو آ،
پوتر ساک جيان هوندو آ،
بچپن باک جيئان هوندو،
بچپن باک جيان هوندو آ.