نئين زندگي
ڄڻ خزان ۾ ويو مَري آ،
زندگيءَ کان نابري آ،
پو به هن کي آس آهي،
بهار ايندو،
۽ درياهه ٿي تارِ ايندو،
هي وري ڀي پن جهليندو،
چهچ ساوا پن جيڪي ويا ڇڻي ها،
واءُ تن کي ويا کڻي ها،
گونچ ٻيهر نسرندا ۽ِ،
گل ٻيهر اُسرندا،
زندگي ٻيهار ايندي،
روپ نئين سان ها سَجيندي،
پوءِ ڀي تون ڪيئن چئين ٿو.....،
هي مَري ويو، ها مَري ويو،
جو مَري ويو،
تنهن جي ٻيهر موٽ ٿيندي،
زندگيءَ جي اوٽ ٿيندي،
ڪاش تون سمجهي سگهين ها،
زندگيءَ جي راز کي ۽،
موت جي آواز کي ،
ڪاش تون سمجهي سگهين ها،