تون ستارن جي ڪناري...
تون سمايل آن گهٽا گهنگهور ۾،
مون ڏٺو توکي سڄي ڀنڀور ۾،
هر ٺري ٿي رات جا تنهن ۾ به آن،
ٿي وسي برسات جا تنهن ۾ به آن،
ساهه کان ڀي آهين ويجهو،
من اندر ٿي تات جا تنهن ۾ به آن،
تون سمايل هر جڳهه، منظر اندر،
ڪٿ ڏسان ٿو ،ٿو ملين مندر اندر،
تون ستارن جي ڪناري ڀي رهين،
تون ته ندين جي لهواري ٿو وَهين ،
هي سمندر جو گَجي ٿو شور سان،
لهر ۾ ڀي ٿو نچين تون ٽور سان،
روپ تنهنجا هي سمورا،
گيت پنهنجي ۾ ئي ڀريان،
عشق کي مان وائکو ائين ڪيئن ڪريان؟
*