تون هليو ويو آن
اڃاته ڪيلا رسَيائي ناهن،
مگر پرين تون هليو ويو آن،
اسانجي هِجري کان ڏور پَرِيان،
هرڻ جون ڇالون اڃا ڊُڪن ٿيون
اڃا ته آهڙتپي ڪِرن ٿا،
اَڪَنِ جا پنا اڃا تپن ٿا،
اڃا ته بهارون وريون ئي ناهن،
اڃا ته سَرڙا ڳڀيائي ناهن،
مگر پرين تون هليو ويو آن،
هي خام جيون چڪيءَ تي چاڙهيئي،
پچي پڪو ٿيو صُراحيءَ وانگي،
انهيءَ ۾ مڌ ڪو ڀَريو ئي ناهي ،
لڳي ٿي اوکڙ ٻسيون هوائون،
اڃا ته ماٽا متائي ناهن،
مگر پرين تون هليو ويو آن،
مگر پرين تون هليو ويو آن،
*