ڳوڙها
نظم مون لکيوپنهنجي درد تي
تنهنجا ڳوڙها ڇو وهي پيا؟
هي لالاڻ جو اکين ۾ آ
ڪو شرابي مان ناهيان.
سنڌ جي سورمن جي
لاشن کي ڏسي،
نيڻ جي آلاڻ جي سرخي آهي.
ڪي سڙندا رهيا زنده
ته ڪي گولين جو کاڄ،
ته ڪي ٿر جي واري تي سڙي
ماني ڳڀي لاءِ بکيا،
ڪنهن ڪنهن تي لکان
ڪنهن ڪنهن تي روئان.
سوچ ۾ ٿو رهان
هي درد به نا سور ٿيو.
ناهي علاج ڪنهن
حاذق وٽ.
بس درد جو ئي درد آ
هي درد ئي مارن پيا.
هاءِ ٿيندو الاءِ ڇا
منهنجي روئڻ تي
نه تون رو،
هي منهنجو ئي بس مقدر آ.